അല്‍ ഖബൂറ, അല്‍ സുവൈഖ്, വാദി അല്‍ മഅവില്‍, സഹം തുടങ്ങിയ പ്രദേശങ്ങളിലാണ് ഏറ്റവും ഉയർന്ന 48°C താപനില രേഖപ്പെടുത്തിയത്. ഉച്ചയ്ക്ക് ശേഷമുള്ള സമയങ്ങളില്‍ ചൂട് കൂടുതല്‍ ശക്തമാകുന്നതിനാല്‍ പൊതുജനങ്ങള്‍ ജാഗ്രത പാലിക്കണമെന്ന് അധികൃതർ നിർദേശിച്ചു.

ശരീരത്തില്‍ ജലാംശക്കുറവ്, സൂര്യാഘാതം, മറ്റ് ചൂട് സംബന്ധമായ ആരോഗ്യപ്രശ്നങ്ങള്‍ എന്നിവ ഒഴിവാക്കാൻ ആവശ്യത്തിന് വെള്ളം കുടിക്കണമെന്നും ഉച്ചസമയത്തെ അനാവശ്യ പുറംപ്രവർത്തനങ്ങള്‍ പരമാവധി ഒഴിവാക്കണമെന്നും സിഎഎ മുന്നറിയിപ്പ് നല്‍കി.

മേഖലയെ ബാധിച്ചിരിക്കുന്ന ഉയർന്ന മർദ മേഖലയും വരണ്ട വടക്കുപടിഞ്ഞാറൻ കാറ്റുകളും ചേർന്നാണ് രാജ്യത്ത് അതിശക്തമായ ചൂടിന് കാരണമാകുന്നതെന്ന് കാലാവസ്ഥാ വിദഗ്ധർ വ്യക്തമാക്കി. ഉപരിതല താപ ന്യൂനമർദവും ഉയർന്ന മർദ സംവിധാനവും തമ്മിലുള്ള പ്രതിപ്രവർത്തനമാണ് താപനില വർധിക്കാൻ പ്രധാന കാരണം.

വർഷത്തിലെ ഏറ്റവും ചൂടേറിയ കാലഘട്ടങ്ങളിലൊന്നിലേക്കാണ് ഒമാൻ കടന്നുപോകുന്നതെന്നും കാലാവസ്ഥാ സാഹചര്യം നിരന്തരം നിരീക്ഷിച്ചുവരികയാണെന്നും അധികൃതർ അറിയിച്ചു. പൊതുജനാരോഗ്യവും സുരക്ഷയും ഉറപ്പാക്കുന്നതിനായി ആവശ്യമായ നിർദേശങ്ങള്‍ തുടർന്നും നല്‍കുമെന്നും സിഎഎ വ്യക്തമാക്കി.

അതേസമയം, ഒമാനില്‍ ചില പ്രദേശങ്ങളില്‍ 58 ഡിഗ്രി താപനില രേഖപ്പെടുത്തിയെന്ന തരത്തില്‍ സമൂഹമാധ്യമങ്ങളില്‍ പ്രചരിച്ച വാർത്തകള്‍ സിഎഎ തള്ളിക്കളഞ്ഞു. ഔദ്യോഗിക കാലാവസ്ഥാ നിരീക്ഷണ സംവിധാനങ്ങളില്‍ അത്തരമൊരു താപനില രേഖപ്പെടുത്തിയിട്ടില്ലെന്നും പ്രചരിക്കുന്ന വിവരങ്ങള്‍ തെറ്റിദ്ധരിപ്പിക്കുന്നതാണെന്നും അതോറിറ്റി അറിയിച്ചു.

Oman continues to experience intense summer heat, with temperatures reaching 48°C in several regions, including Al Khaburah, Al Suwaiq, Wadi Al Maawil, and Saham. The Civil Aviation Authority has urged residents to avoid outdoor activities during peak afternoon hours, stay hydrated, and follow official weather updates. Authorities also dismissed social media rumours claiming temperatures had reached 58°C, stressing that such figures were not officially recorded.