Sunday, 09 May, 11.01 pm സുപ്രഭാതം

ലേറ്റസ്റ്റ് ന്യൂസ്
'രാജ്യത്തിന് ആവശ്യം പ്രാണവായു, പ്രധാനമന്ത്രിയ്ക്കുള്ള വസതിയല്ല': തുറന്നടിച്ച്‌ രാഹുല്‍

ന്യൂഡല്‍ഹി: രാജ്യത്തിന് വേണ്ടത് പ്രാണവായുവാണെന്നും പ്രധാനമന്ത്രിക്കുള്ള വസതിയല്ലെന്നും കോണ്‍ഗ്രസ് നേതാവ് രാഹുല്‍ ഗാന്ധി. പ്രധാനമന്ത്രിക്കായി പണികഴിപ്പിക്കുന്ന സെന്‍ട്രല്‍ വിസ്തയുടെയും ഓക്‌സിജനായി ക്യൂനില്‍ക്കുന്നവരുടെയും ചിത്രത്തിനൊപ്പമായിരുന്നു രാഹുലിന്റെ ട്വീറ്റ്.

കൊവിഡ് വ്യാപനം രൂക്ഷമായ സാഹചര്യത്തിലും സെന്‍ട്രല്‍ വിസ്ത പ്രൊജക്ടുമായി മുന്നോട്ട് പോകുന്ന കേന്ദ്ര സര്‍ക്കാര്‍ നടപടിക്കെതിരെ സോഷ്യല്‍ മീഡിയയില്‍ പ്രതിഷേധം ശക്തമാണ്. പദ്ധതി പാഴ്‌ചെലവാണെന്ന് വ്യക്തമാക്കി രാഹുല്‍ കഴിഞ്ഞ ദിവസവും വിമര്‍ശനവുമായി രംഗത്തെത്തിയിരുന്നു.

അതേസമയം, സെന്‍ട്രല്‍ വിസ്തയുടെ പദ്ധതിയുടെ ജോലികള്‍ നിര്‍ത്തിവെക്കണമെന്നാവശ്യപ്പെട്ടുള്ള ഹരജിയില്‍ വാദം കേള്‍ക്കാമെന്ന് കോടതി അറിയിച്ചിട്ടുണ്ട്.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Suprabhaatham
Top