കൊച്ചി: ശബരിമലയില് വെര്ച്വല് ക്യു ഏര്പ്പെടുത്തിയതില് സംസ്ഥാന സര്ക്കാറിനെതിരെ രൂക്ഷ വിമര്ശനവുമായി കേരളാ ഹൈക്കോടതി.
2011 മുതല് വെര്ച്ചല് ക്യൂവിനു ഹൈക്കോടതി അനുമതി തന്നിട്ടുണ്ടെന്നും ആയതിനാല് വെര്ച്ചല് ക്യൂ സംവിധാനം ഇപ്പോള് നിര്ത്തലാക്കാന് സാധ്യമല്ലെന്നും സര്ക്കാര് കോടതിയില് വാദിച്ചു. എന്നാല് അങ്ങനെ ഒരു വിധിയുണ്ടോ എന്ന് സര്ക്കാരിനോട് കോടതി ആരാഞ്ഞു.
ശബരിമലയില് വെര്ച്വല് ക്യു ഏര്പ്പെടുത്തിയ നടപടിയില് നേരത്തെയും സര്ക്കാറിനെയും പൊലീസിനെയും കോടതി വിമര്ശിച്ചിരുന്നു. ദേവസ്വം ബോര്ഡിന്റെ അനുമതി ലഭിക്കാതെയുള്ള നടപടി നിയമവിരുദ്ധമെന്ന് ഹൈക്കോടതി വ്യക്തമാക്കി.