പരീക്ഷാ സെന്റർ കുവൈത്തില്‍ ലഭിക്കില്ലെന്ന് അവസാന നിമിഷം തിരിച്ചറിഞ്ഞ ആക്ഷിത മനോജ് എന്ന വിദ്യാർത്ഥിനിക്കാണ് പ്രവാസി സംഘടനകളുടെ ഇടപെടലിലൂടെ കൃത്യസമയത്ത് പരീക്ഷാ കേന്ദ്രത്തിലെത്താൻ വഴിതെളിഞ്ഞത്. കുവൈത്തിലെ മനോജ് കലാഭവൻ-ജിത മനോജ് ദമ്ബതികളുടെ മകള്‍ ആക്ഷിതയ്ക്കാണ് എൻട്രൻസ് പരീക്ഷ നടക്കുന്നത്. അവസാന നിമിഷം വരെ കുവൈത്തില്‍ സെന്റർ ലഭിക്കുമെന്ന് പ്രതീക്ഷിച്ചെങ്കിലും അത് സാധ്യമാകാതെ വന്നതോടെ കുടുംബം പ്രതിസന്ധിയിലായി. നിലവിലെ സാഹചര്യത്തില്‍ പെട്ടെന്ന് ഒരു വിമാന ടിക്കറ്റ് അറേഞ്ച് ചെയ്യുക എന്നത് ഏറെ പ്രയാസകരമായിരുന്നു.

ഹജ്ജ് കർമ്മങ്ങള്‍ക്ക് നുസുക് കാർഡ് നിർബന്ധം; തീർഥാടകർക്ക് കർശന നിർദേശവുമായി സഊദി ഹജ്ജ് മന്ത്രാലയം

ഈ ഘട്ടത്തിലാണ് സാരഥി സംഘടനയിലെ നിഖില്‍ വഴി കെ.എം.സി.സി അറേഞ്ച് ചെയ്ത ചാർട്ടേഡ് ഫ്ലൈറ്റിനെക്കുറിച്ച്‌ കുടുംബം അറിയുന്നത്. തുടർന്ന് കെ.എം.സി.സി സംസ്ഥാന വൈസ് പ്രൊസിഡന്റ് എം.ആർ നാസറിനെ ബന്ധപ്പെട്ടെങ്കിലും ടിക്കറ്റുകള്‍ എല്ലാം തീർന്നുപോയെന്ന മറുപടിയാണ് ലഭിച്ചത്. വിഷയത്തിന്റെ ഗൗരവം മനസ്സിലാക്കിയ കുവൈത്ത് കെ.എം.സി.സി സംസ്ഥാന ട്രഷറർ ഹാരിസ് വള്ളിയോത്ത്, സ്വന്തം ആവശ്യത്തിനായി കരുതിവെച്ചിരുന്ന തന്റെ ടിക്കറ്റ് ആക്ഷിതയ്ക്ക് കൈമാറാൻ തയ്യാറാവുകയായിരുന്നു. പരീക്ഷ എഴുതാനുള്ള കുട്ടിയുടെ അവസരം നഷ്ടപ്പെടരുതെന്ന വലിയ ലക്ഷ്യത്തോടെയാണ് അദ്ദേഹം ഈ വിട്ടുവീഴ്ച ചെയ്തത്. പ്രവാസലോകത്തെ ഈ ഉദാത്തമായ സ്നേഹത്തിനും കരുതലിനും മുന്നില്‍ അഭിമാനത്തോടെ നന്ദി പറയുകയാണ് മനോജ് കലാഭവനും കുടുംബവും. ഹൃദയത്തിന്റെ ഭാഷയില്‍ നന്ദി അറിയിക്കുന്നതായി മനോജ് കലാഭവൻ, ജിത മനോജ്, അക്ഷയ് മനോജ് എന്നിവർ പറഞ്ഞു.

A heartwarming act of kindness in Kuwait: KMCC State Treasurer Haris Valliyoth gave up his own flight ticket to help Akshitha Manoj, a student who was stranded without a way to reach her entrance exam center in Kerala. This timely intervention by the expatriate community ensured the student didn't miss her crucial career milestone.