ദുബൈ: ബലിപെരുന്നാള് അവധിക്ക് ശേഷം യുഎഇ നിവാസികള് ജൂണ് 1-ന് ജോലിയിലേക്ക് മടങ്ങുമ്പോള് കാത്തിരിക്കുന്നത് വലിയ മാറ്റങ്ങള്.
രാജ്യത്തെ ദൈനംദിന ജീവിതത്തെയും സാമ്പത്തിക ഇടപാടുകളെയും കാര്യമായി ബാധിക്കുന്ന നിരവധി പരിഷ്കാരങ്ങളാണ് തിങ്കളാഴ്ച മുതല് നിലവില് വരുന്നത്.
സ്വകാര്യ മേഖലയിലെ ശമ്പള വിതരണം, പാർക്കിംഗ് രീതികള്, നികുതികള് എന്നിവയുമായി ബന്ധപ്പെട്ട് യുഎഇയിലെ പുതിയ നിയമങ്ങള് നിങ്ങളുടെ പോക്കറ്റിനെ എങ്ങനെ ബാധിക്കുമെന്ന് വിശദമായി പരിശോധിക്കാം.
1. എല്ലാ മാസവും ഒന്നാം തീയതി ശമ്പളം
മാനവ വിഭവശേഷി, സ്വദേശിവല്ക്കരണ മന്ത്രാലയത്തിന്റെ (MOHRE) പുതിയ ഉത്തരവ് പ്രകാരം സ്വകാര്യ മേഖലയിലെ ജീവനക്കാർക്ക് എല്ലാ മാസവും ഒന്നാം തീയതി ശമ്പളം ലഭിക്കാൻ നിയമപരമായ അർഹതയുണ്ടാകും. നിയമം ലംഘിക്കുന്ന കമ്പനികള്ക്കെതിരെ കർശന നടപടിയുണ്ടാകും.
രണ്ടാം തീയതി മുതല് ശമ്പളം നല്കാത്ത സ്ഥാപനങ്ങള്ക്ക് മുന്നറിയിപ്പ് നല്കും. പരിഹരിക്കാൻ 10 ദിവസത്തെ സമയമുണ്ടാകും. അഞ്ചാം തീയതിയും ശമ്പളം നല്കിയില്ലെങ്കില് പുതിയ വർക്ക് പെർമിറ്റുകള് നല്കുന്നതില് നിയന്ത്രണം വരും.
പതിനൊന്നാം തീയതി മുതല് കമ്പനിക്കെതിരെ കടുത്ത ഭരണപരമായ പിഴകളും നിയമനടപടികളും ആരംഭിക്കും.
2. പാർക്കിംഗ് ഫീസില് 5% വാറ്റ് (VAT)
ദുബൈയില് വാഹനം ഉപയോഗിക്കുന്നവർ തങ്ങളുടെ പ്രതിമാസ ബജറ്റില് ഇനി പാർക്കിംഗ് ഫീസിനൊപ്പം 5% മൂല്യവർധിത നികുതി (വാറ്റ്) കൂടി കണക്കാക്കേണ്ടി വരും. ജൂണ് 1 മുതല് പാർക്കിൻ നല്കുന്ന ഓണ്-സ്ട്രീറ്റ്, ഓഫ്-സ്ട്രീറ്റ് പാർക്കിംഗുകള്, സീസണല് കാർഡുകള്, റിസർവേഷനുകള് എന്നിവയ്ക്കെല്ലാം 5% വാറ്റ് ബാധകമായിരിക്കും. അതേസമയം, പുലർച്ചെ 1 മുതല് രാവിലെ 6 വരെയുള്ള രാത്രികാല പാർക്കിംഗ് സൗജന്യമായി തുടരും.
3. സാലിക് ടോളിലും വാറ്റ് ബാധകം
വാഹനമോടിക്കുന്നവരെ ബാധിക്കുന്ന യുഎഇയിലെ പുതിയ നിയമങ്ങള് പ്രകാരം ദുബൈയിലെ സാലിക് (Salik) ടോള് ഗേറ്റുകള് കടന്നുപോകുമ്പോഴും ടാഗ് ആക്ടിവേഷൻ ചെയ്യുമ്പോഴും 5% വാറ്റ് ഈടാക്കും. പരിഷ്കരിച്ച നിരക്കുകള് താഴെ നല്കുന്നു:
തിങ്കള് മുതല് ശനി വരെ:
തിരക്കേറിയ സമയം (രാവിലെ 6 - 10, വൈകുന്നേരം 4 - രാത്രി 8): AED 6 + VAT
തിരക്ക് കുറഞ്ഞ സമയം (രാവിലെ 10 - വൈകുന്നേരം 4, രാത്രി 8 - പുലർച്ചെ 1): AED 4 + VAT
പുലർച്ചെ 1 മുതല് രാവിലെ 6 വരെ: സൗജന്യം
ഞായറാഴ്ചകളില് (പൊതു അവധി ദിവസങ്ങളിലും):
തിരക്കുള്ള സമയത്തും കുറഞ്ഞ സമയത്തും: AED 4 + VAT
പുലർച്ചെ 1 മുതല് രാവിലെ 6 വരെ: സൗജന്യം
4. പാർക്കിംഗ് മീറ്ററുകള് പൂർണ്ണമായും പണരഹിതമാകും
ദുബൈയില് പാർക്കിംഗ് മീറ്ററുകളില് നാണയങ്ങളോ നോട്ടുകളോ ഉപയോഗിച്ച് പണമടയ്ക്കുന്ന രീതി ജൂണ് 1 മുതല് ഘട്ടംഘട്ടമായി നിർത്തലാക്കുകയാണ്. ദുബൈയുടെ ക്യാഷ്ലെസ്സ് തന്ത്രത്തിന്റെ ഭാഗമായാണ് ഈ മാറ്റം. ഇനി മുതല് നോള് കാർഡ് (Nol Card), എസ്എംഎസ് (SMS), പാർക്കിൻ ആപ്പ്, ആർടിഎ ആപ്പ്, അല്ലെങ്കില് എൻഎഫ്സി (NFC) ഉള്ള ബാങ്ക് കാർഡുകള് എന്നിവ വഴി മാത്രമേ പാർക്കിംഗ് ഫീസ് അടയ്ക്കാൻ സാധിക്കൂ.
5. പ്രായപൂർത്തിയാകാനുള്ള പ്രായം 18 ആയി കുറച്ചു
വലിയൊരു സാമൂഹിക നിയമ പരിഷ്കരണത്തിനും ജൂണ് 1 സാക്ഷ്യം വഹിക്കുകയാണ്. 2025 ലെ ഫെഡറല് ഡിക്രി-ലോ നമ്പർ 25 പ്രകാരം യുഎഇയില് നിയമപരമായ പ്രായപൂർത്തിയാകല് പ്രായം (Legal Age of Majority) 21 വയസ്സില് നിന്ന് 18 വയസ്സായി കുറച്ചു.
സ്വന്തം പേരില് കരാറുകളില് ഒപ്പിടുക.
ചുരുക്കത്തില് ജൂണ് 1 മുതല് പ്രാബല്യത്തില് വരുന്ന യുഎഇയിലെ പുതിയ നിയമങ്ങള് ശമ്പള സുരക്ഷ ഉറപ്പാക്കുമ്പോള് തന്നെ, ദൈനംദിന യാത്രാച്ചെലവുകളില് നേരിയ വർദ്ധനവിന് കാരണമായേക്കാം. അതുകൊണ്ട് നിങ്ങളുടെ പ്രതിമാസ ബജറ്റ് ഇതിനനുസരിച്ച് കൃത്യമായി പ്ലാൻ ചെയ്യുക.
The UAE will implement major regulatory changes from June 1, including new rules on salary payments, VAT compliance, and age limits, affecting businesses, employees, and residents across the country.