യൂറോപ്പയുടെ ഉപരിതലത്തിലെ കട്ടിയേറിയ മഞ്ഞുപാളികള്‍ക്ക് താഴെ ഒരു കൂറ്റൻ സമുദ്രമുണ്ടെന്നും, അവിടെ ജീവൻ നിലനില്‍ക്കാനുള്ള സാധ്യതകളുണ്ടെന്നുമാണ് ശാസ്ത്രജ്ഞർ കണക്കാക്കുന്നത്. ഈ സമുദ്രത്തിലെ ജലം മഞ്ഞുപാളികളിലെ വിള്ളലുകളിലൂടെ ബഹിരാകാശത്തേക്ക് വൻതോതില്‍ ചീറ്റിത്തെറിക്കുന്നുണ്ടെന്ന പതിറ്റാണ്ടുകള്‍ പഴക്കമുള്ള കണ്ടെത്തലാണ് ഇപ്പോള്‍ പുതിയ ഡാറ്റയുടെ വിശകലനത്തിലൂടെ തെറ്റാണെന്ന് തെളിഞ്ഞിരിക്കുന്നത്. വർഷങ്ങള്‍ക്ക് മുൻപ് കണ്ടെത്തിയതായി അവകാശപ്പെട്ട ഈ ജലധാരകളുടെ അഥവാ പ്ലൂമുകളുടെ (Plumes) ലക്ഷണങ്ങള്‍ കൂടുതല്‍ കൃത്യതയാർന്ന നിരീക്ഷണങ്ങളിലൂടെ ഇപ്പോള്‍ പൂർണ്ണമായും അപ്രത്യക്ഷമായിരിക്കുകയാണ്. ജ്യോതിശാസ്ത്ര ജേണലായ 'അസ്ട്രോണമി ആൻഡ് ആസ്ട്രോഫിസിക്സ്' മെയ് ലക്കത്തില്‍ പ്രസിദ്ധീകരിച്ച പുതിയ പഠന റിപ്പോർട്ടിലാണ് ശാസ്ത്രലോകത്തെ നിരാശപ്പെടുത്തുന്നതും ഒപ്പം ചിന്തിപ്പിക്കുന്നതുമായ ഈ വിവരങ്ങളുള്ളത്. #europamoon #jupiter #spaceexploration #astronomy #nasa #alienlife #subsurfaceocean #plumes #astrophysics #spacescience #solarsystem #scienceupdate #exobiology #cosmicdiscovery #planetaryscience