ബിഗ് ബോസ് മലയാളം സീസണ് 8ന്റെ പ്രധാന ഷോ ആരംഭിക്കുന്നതിന് മുൻപേ തന്നെ ചർച്ചയായിരിക്കുകയാണ് പ്രീ ഷോയായ അഗ്നിപരീക്ഷ.
സാധാരണക്കാരില് നിന്ന് ബിഗ് ബോസ് വീട്ടിലേക്ക് എത്തുന്ന മത്സരാർഥികളെ കണ്ടെത്തുകയെന്ന ലക്ഷ്യത്തോടെ ഒരുക്കിയ പരിപാടിക്കെതിരെ ഇതിനോടകം പ്രേക്ഷകരില് നിന്ന് വിമർശനങ്ങളും ഉയർന്നിട്ടുണ്ട്.
ടാസ്ക്കുകളുടെ രീതിയും എലിമിനേഷൻ നടപടികളുമടക്കമുള്ള കാര്യങ്ങളിലാണ് ഒരു വിഭാഗം പ്രേക്ഷകർ സംശയങ്ങളും അതൃപ്തിയും പ്രകടിപ്പിക്കുന്നത്. മത്സരാർഥികളെ തിരഞ്ഞെടുക്കുന്നതില് ജഡ്ജുമാർ സ്വീകരിക്കുന്ന തീരുമാനങ്ങളും സോഷ്യല് മീഡിയയില് ചർച്ചയായിട്ടുണ്ട്.
ഇതിനിടെയാണ് മുൻ ബിഗ് ബോസ് മലയാളം വിജയിയും അഗ്നിപരീക്ഷയിലെ ജഡ്ജുമായ അഖില് മാരാർ പ്രതികരണവുമായി എത്തിയത്.അഗ്നിപരീക്ഷയെക്കുറിച്ച് അന്തിമവിധി പറയാൻ ഇപ്പോള് തന്നെ തിടുക്കം കാണിക്കരുതെന്നാണ് അഖില് മാരാറിന്റെ നിലപാട്.
ഷോയ്ക്ക് കുറച്ചുസമയം നല്കണമെന്നും മത്സരം മുന്നോട്ടുപോകുന്നതിനനുസരിച്ച് അതിന്റെ ഫോർമാറ്റും പുരോഗതിയും വിലയിരുത്തണമെന്നും അദ്ദേഹം പ്രേക്ഷകരോട് ആവശ്യപ്പെട്ടു.
സാധാരണ ബിഗ് ബോസ് സീസണുകളില് നിന്ന് വ്യത്യസ്തമാണ് അഗ്നിപരീക്ഷ. സെലിബ്രിറ്റികളെയും പൊതുപ്രവർത്തകരെയും നേരിട്ട് മത്സരാർഥികളാക്കുന്നതിന് പകരം സാധാരണക്കാരില് നിന്ന് കഴിവുള്ളവരെ കണ്ടെത്തി ബിഗ് ബോസ് മലയാളം 8ന്റെ ഭാഗമാക്കുക എന്നതാണ് പ്രീ ഷോയുടെ ആശയം.
പുതിയ പരീക്ഷണമെന്ന നിലയില് അഗ്നിപരീക്ഷയ്ക്ക് തുടക്കത്തില് തന്നെ പ്രേക്ഷകശ്രദ്ധ ലഭിച്ചിരുന്നു. എന്നാല് ടാസ്ക്കുകളുടെ സ്വഭാവവും എലിമിനേഷൻ രീതിയും ഉള്പ്പെടെയുള്ള കാര്യങ്ങളില് ചില പ്രേക്ഷകർ നിരാശ പ്രകടിപ്പിച്ചതോടെയാണ് പരിപാടി വിമർശനങ്ങള്ക്ക് വിധേയമായത്.
മത്സരം അവസാനഘട്ടത്തിലേക്ക് അടുക്കുമ്പോള് മത്സരാർഥികളുടെ എണ്ണം കുറഞ്ഞുവരികയാണ്. ഇതോടെ ആരൊക്കെയാണ് അവസാന ഘട്ടം കടന്ന് ബിഗ് ബോസ് മലയാളം 8ന്റെ വീട്ടിലേക്ക് എത്തുകയെന്ന ആകാംക്ഷയും ശക്തമാകുന്നു.
അഗ്നിപരീക്ഷയെക്കുറിച്ചുള്ള പ്രേക്ഷക പ്രതികരണങ്ങള് ജഡ്ജുമാരുടെയും അണിയറപ്രവർത്തകരുടെയും ശ്രദ്ധയില്പ്പെട്ടിട്ടുണ്ടെങ്കിലും പരീക്ഷണത്തെ വിലയിരുത്താൻ ഇപ്പോള് തന്നെ അന്തിമ നിഗമനത്തിലെത്തേണ്ടതില്ലെന്ന സന്ദേശമാണ് അഖില് മാരാറിന്റെ പ്രതികരണത്തിലൂടെ പുറത്തുവരുന്നത്.
വിമർശകരെ തൃപ്തിപ്പെടുത്തുന്ന രീതിയില് അഗ്നിപരീക്ഷയ്ക്ക് മുന്നേറാനാകുമോ, ഒടുവില് ആരൊക്കെയാകും ബിഗ് ബോസ് മലയാളം 8ന്റെ മത്സരാർഥികളായി എത്തുക എന്നതാണ് ഇനി അറിയാനുള്ളത്.
നിങ്ങള് കണ്ടത് ഏത് ടോക്സിക്?; യാഷ് ചിത്രത്തെ വാഴ്ത്തിയ ഉപേന്ദ്രയ്ക്ക് സോഷ്യല് മീഡിയയില് 'പൊങ്കാല'