തൃക്കാക്കരയിലെ സാധാരണക്കാർക്ക് അഖിലിനെ അറിയില്ലെന്നും ബിഗ് ബോസ് കണ്ടവർക്ക് മാത്രമാണ് അയാളെ പരിചയമെന്നും ഷിയാസ് തുറന്നടിച്ചു.

അഖില്‍ മാരാരുടെ ജനപ്രീതിയെയും രാഷ്ട്രീയ പ്രവേശനത്തെയും ചോദ്യം ചെയ്തു സംസാരിക്കുകയായിരുന്നു ഷിയാസ്. "അയാളുടെ കാലമല്ലേ. പിഷാരടി പറഞ്ഞ കാര്യത്തോട് നൂറ് ശതമാനം ഞാന്‍ യോജിക്കുന്നുണ്ട്. അതെല്ലാവര്‍ക്കും അറിയുന്ന കാര്യമാണ്. ഞാന്‍ പുള്ളിയെ പറ്റി ഒന്നും പറയേണ്ട ആവശ്യമില്ല. മുന്നെ പറഞ്ഞ് പറഞ്ഞ് മടുത്ത കാര്യമാണ്. ഞാന്‍ പറയുമ്പോള്‍ പുള്ളിക്ക് വല്ലാതെ റീച്ച്‌ കിട്ടുകയാണ്. അതുകൊണ്ട് പറയേണ്ട ആവശ്യമില്ലല്ലോ. ബിഗ് ബോസ് മലയാളം സീസണ്‍ ഒന്നിലെ മത്സരാര്‍ത്ഥിയായിരുന്നു ഞാന്‍. ആ സീസണില്‍ പുള്ളി ഉണ്ടായിരുന്നെങ്കിലേ കണ്ടം വഴി ഓടുമായിരുന്നു. അഖില്‍ മാരാരെ തൃക്കാക്കരയിലെ ഒരു മനുഷ്യനും അറിയില്ല. ബിഗ് ബോസ് ഈ ലോകത്തിലെ എല്ലാവരും കണ്ടുവെന്നാണ് പുള്ളിയുടെ വിചാരം."

അഖില്‍ മാരാർ തന്റെ വാക്ചാതുരിയും ബിഗ് ബോസിലെ വിജയവും വോട്ടായി മാറുമെന്ന് പ്രതീക്ഷിക്കുമ്പോഴാണ്, പുറത്തുള്ളവർ അഖിലിന്റെ ജനപ്രീതി വെറും 'ഷോ' മാത്രമാണെന്ന് ആരോപിക്കുന്നത്. രമേഷ് പിഷാരടിയും അഖിലും തമ്മിലുള്ള തർക്കങ്ങള്‍ ഇതിനോടകം തന്നെ സോഷ്യല്‍ മീഡിയയില്‍ വൈറലാണ്. ആ തർക്കത്തില്‍ പിഷാരടിക്ക് പിന്തുണ പ്രഖ്യാപിച്ചുകൊണ്ടാണ് ഷിയാസ് ഇപ്പോള്‍ രംഗത്തെത്തിയിരിക്കുന്നത്.