അടുക്കളയില്‍ എപ്പോഴും കാണുന്ന ചെറിയ ഉള്ളി മാത്രം മതി, ചുരുങ്ങിയ സമയത്തിനുള്ളില്‍ ചോറുണ്ണാൻ കൊതിയൂറുന്ന ഒരു കിടിലൻ കറി തയ്യാറാക്കാൻ. അഞ്ച് മിനിറ്റ് മാത്രം മതി ഈ നാടൻ റെസിപ്പി തയ്യാറാക്കാൻ. പച്ചക്കറികള്‍ അരിഞ്ഞു കൂട്ടുന്ന പണിയൊന്നും ഇതില്‍ ആവശ്യമില്ല എന്നതാണ് ഏറ്റവും വലിയ പ്രത്യേകത.

ചൂടുചോറിനൊപ്പം ഒരു തുള്ളി നെയ്യോ വെളിച്ചെണ്ണയോ ഒഴിച്ച്‌ ഈ ഉള്ളി കറി കൂട്ടി കഴിച്ചാല്‍ പിന്നെ മറ്റൊരു കറിയുടെയും ആവശ്യമേ വരില്ല. കുട്ടികള്‍ക്കും മുതിർന്നവർക്കും ഒരുപോലെ ഇഷ്ടപ്പെടുന്ന രുചിയിലുള്ള ഈ കറി തയ്യാറാക്കാൻ വളരെ കുറഞ്ഞ ചേരുവകള്‍ മാത്രം മതിയെന്നതും ഇതിന്റെ പ്രത്യേകതയാണ്. ഉച്ചഭക്ഷണം പെട്ടെന്ന് തയ്യാറാക്കാൻ ആഗ്രഹിക്കുന്നവർക്ക് ഇതൊരു മികച്ച ഓപ്ഷനാണ്.

ചേരുവകള്‍

• കടുക്
• ഉലുവ
• വെളുത്തുള്ളി
• പച്ചമുളക്
• പുളി
• ശർക്കര
• ഉപ്പ്
• എണ്ണ
• കറിവേപ്പില
• കായം

തയ്യാറാക്കുന്ന വിധം

• ഒരു പാൻ അടുപ്പില്‍ വെച്ച്‌ ആല്‍പ്പം എണ്ണയൊഴിച്ചു ചൂടാക്കി കടുകും ഉലുവയും ചേർത്ത്
  പൊട്ടിക്കാം.
• അതിലേയ്ക്ക് വെളുത്തുള്ളി നടുവെ അരിഞ്ഞതു ചേർത്തിളക്കാം.
• ഇഞ്ചി വട്ടത്തില്‍ കഷ്ണങ്ങളാക്കിയതും, പച്ചമുളകും, ചുവന്നുള്ളിയും ചേർത്ത് വഴറ്റാം.
  ആവശ്യത്തിന് ഉപ്പും, കായപ്പൊടിയും ചേർത്തിളക്കാം.
• നെല്ലിക്ക വലിപ്പത്തിലുള്ള വാളൻപുളി വെള്ളത്തില്‍ കുതിർത്തു വെച്ചത് ചേർത്ത് തിളപ്പിക്കാം.
• തിളച്ചു തുടങ്ങുമ്പോള്‍ കുറച്ച്‌ ശർക്കര കൂടി ചേർത്തിളക്കുക. നന്നായി തിളച്ച കറി അടുപ്പില്‍ നിന്നു മാറ്റാം.