വളരെ ലളിതമായി തയ്യാറാക്കാമെങ്കിലും രുചിയുടെ കാര്യത്തില്‍ പുട്ടിന് പ്രത്യേക സ്ഥാനമുണ്ട്. അരിപൊടിക്ക് പുറമെ ഗോതമ്പ്, റാഗി, കപ്പ, ചോളം തുടങ്ങിയ പലതരം പൊടികള്‍ ഉപയോഗിച്ചും പുട്ട് തയ്യാറാക്കാറുണ്ട്. മീൻ ഉള്‍പ്പെടെയുള്ള വ്യത്യസ്ത ചേരുവകള്‍ ചേർത്ത് പുട്ടില്‍ പരീക്ഷണങ്ങള്‍ നടത്തുന്നവരുമുണ്ട്. ചിരട്ടയിലും മുളങ്കുറ്റിയിലും പുട്ടുകുറ്റിയിലുമൊക്കെ തയ്യാറാക്കുന്ന പുട്ടിന് ഓരോ രീതിയിലും വ്യത്യസ്തമായ രുചിയും മണവുമാണ് ലഭിക്കുന്നത്.

എന്നാല്‍ പുട്ടിനുള്ള മാവ് നനയ്ക്കുന്നത് പലർക്കും അല്‍പം ബുദ്ധിമുട്ടുള്ള കാര്യമാണ്. കൈകൊണ്ട് വെള്ളം തളിച്ച്‌ ശരിയായ പാകത്തില്‍ മാവ് തയ്യാറാക്കാൻ സമയം എടുക്കുകയും ചെയ്യും. ഈ ബുദ്ധിമുട്ട് ഒഴിവാക്കി പുട്ടുപൊടി തയ്യാറാക്കാൻ കഴിയുമോ എന്ന സംശയം പലർക്കുമുണ്ടാകും. വെള്ളം ചേർത്ത് കൈകൊണ്ട് നനയ്ക്കാതെ തന്നെ പുട്ടിനുള്ള മാവ് തയ്യാറാക്കാൻ കഴിയുന്ന ലളിതമായൊരു രീതിയുണ്ട്. ദീപ തന്റെ യൂട്യൂബ് ചാനലിലൂടെയാണ് ഈ എളുപ്പവഴി പരിചയപ്പെടുത്തുന്നത്.

ചേരുവകള്‍

• ഗോതമ്പ് പൊടി - 1 കപ്പ്
• ചോറ്- 4 ടേബിള്‍ സ്പൂണ്‍
• ഉപ്പ്- ആവശ്യത്തിന്
• തേങ്ങ- ആവശ്യത്തിന്