നമ്മുടെ ചായയിലെ പാല് മുതല് ഭക്ഷണത്തിലെ തൈരും ചീസും വരെ, ഒട്ടുമിക്ക ആളുകളുടെയും ഭക്ഷണക്രമത്തിലെ അവിഭാജ്യ ഘടകമാണ് പാല് ഉല്പ്പന്നങ്ങള്.
എന്നാല് ലാക്ടോസ് സെൻസിറ്റിവിറ്റി, ദഹനാരോഗ്യം, സസ്യാഹാര ശീലങ്ങള് എന്നിവയെക്കുറിച്ചുള്ള ചർച്ചകള് വർധിച്ചതോടെ, പാല് ഉല്പ്പന്നങ്ങള് ഒഴിവാക്കിയുള്ള പരീക്ഷണങ്ങള് ഇന്ന് സാധാരണമായിട്ടുണ്ട്.
കുറഞ്ഞ കാലയളവിലേക്കാണെങ്കില് പോലും പാല് ഉല്പ്പന്നങ്ങള് ഉപയോഗിക്കുന്നത് നിർത്തിയാല് ശരീരത്തില് യഥാർത്ഥത്തില് എന്ത് സംഭവിക്കും എന്ന് ചിന്തിക്കുന്നത് ഉചിതമായിരിക്കും. പാല് ഒഴിവാക്കുന്നത് നിങ്ങളുടെ ശരീരത്തിന് ഗുണകരമാണോ, അതോ പ്രധാനപ്പെട്ട പോഷകങ്ങള് നഷ്ടപ്പെടാൻ അത് കാരണമാകുമോ?.
ഓരോ വ്യക്തിയിലും ഇതിന്റെ മാറ്റങ്ങള് വ്യത്യസ്തമായിരിക്കുമെന്നാണ് വിദഗ്ധർ പറയുന്നത്. വെറും രണ്ടാഴ്ചത്തേക്ക് ഡയറി ഉല്പ്പന്നങ്ങള് മാറ്റിവെച്ചാല് നമ്മുടെ ശരീരത്തില് പ്രകടമാകുന്ന മാറ്റങ്ങള് എന്തൊക്കെയാണെന്ന് നോക്കാം.
1. വയറിലെ അസ്വസ്ഥതകള് കുറയാം
നിങ്ങള് ലാക്ടോസ് ഇൻടോളറൻസ് ഉള്ള വ്യക്തിയാണെങ്കില്, പാല് ഒഴിവാക്കുന്നതോടെ ഗ്യാസ്, വയർ വീർക്കല്, ദഹനക്കേട് എന്നിവ ഗണ്യമായി കുറയും. പാലിലെ പഞ്ചസാരയായ ലാക്ടോസിനെ വിഘടിപ്പിക്കാൻ ശരീരം ബുദ്ധിമുട്ടുമ്പോഴാണ് ഇത്തരം പ്രശ്നങ്ങള് ഉണ്ടാകുന്നത്. പാല് ഒഴിവാക്കുന്നതോടെ ദഹനവ്യവസ്ഥയ്ക്ക് ആശ്വാസം ലഭിക്കുന്നു.
2. കാല്സ്യത്തിന്റെ അളവ് കുറയാൻ സാധ്യത
ശരീരത്തിന് എളുപ്പത്തില് ആഗിരണം ചെയ്യാൻ കഴിയുന്ന കാല്സ്യത്തിന്റെ പ്രധാന ഉറവിടമാണ് പാലുല്പ്പന്നങ്ങള്. എല്ലുകളുടെ ബലം, പേശികളുടെ പ്രവർത്തനം എന്നിവയ്ക്ക് കാല്സ്യം അത്യന്താപേക്ഷിതമാണ്. പാലുല്പ്പന്നങ്ങള് ഒഴിവാക്കുമ്പോള് പകരം എള്ള്, ബദാം, സോയ ഉല്പ്പന്നങ്ങള്, റാഗി, ഇലക്കറികള് എന്നിവ ഭക്ഷണത്തില് ഉള്പ്പെടുത്താൻ ശ്രദ്ധിക്കണം.
3. കുടലിലെ ഗുണകരമായ ബാക്ടീരിയകളില് മാറ്റം
തൈര് പോലുള്ള പുളിപ്പിച്ച ഉല്പ്പന്നങ്ങള് കുടലിലെ നല്ല ബാക്ടീരിയകളെ നിലനിർത്താൻ സഹായിക്കുന്നവയാണ്. ഇവ പെട്ടെന്ന് ഒഴിവാക്കുന്നത് ദഹനപ്രക്രിയയില് ചെറിയ മാറ്റങ്ങള് വരുത്തിയേക്കാം. അതിനാല് പാലിന് പകരം പ്രോബയോട്ടിക് അടങ്ങിയ സസ്യഭക്ഷണങ്ങള് ശീലമാക്കുന്നത് ദഹനാരോഗ്യം നിലനിർത്താൻ സഹായിക്കും.
4. വൈറ്റമിൻ ഡി ശ്രദ്ധിക്കുക
പല പാലുല്പ്പന്നങ്ങളിലും വൈറ്റമിൻ ഡി ചേർക്കാറുണ്ട്. കാല്സ്യം ആഗിരണം ചെയ്യാൻ ശരീരത്തിന് വൈറ്റമിൻ ഡി അത്യാവശ്യമാണ്. രണ്ടാഴ്ച കൊണ്ട് വലിയ കുറവ് സംഭവിക്കില്ലെങ്കിലും, ദീർഘകാലം പാല് ഒഴിവാക്കുന്നവർ സൂര്യപ്രകാശം ഏല്ക്കുന്നതിനും വൈറ്റമിൻ ഡി അടങ്ങിയ മറ്റ് ഭക്ഷണങ്ങള് കഴിക്കുന്നതിനും മുൻഗണന നല്കണം.
5. ചർമ്മത്തിലെ മാറ്റങ്ങള്
ചില പഠനങ്ങള് പ്രകാരം ഡയറി ഉല്പ്പന്നങ്ങളുടെ അമിത ഉപയോഗം മുഖക്കുരുവിനും ചർമ്മത്തിലെ മറ്റ് അസ്വസ്ഥതകള്ക്കും കാരണമാകാറുണ്ട്. പാല് ഒഴിവാക്കുന്നതോടെ ചിലരുടെയെങ്കിലും ചർമ്മം കൂടുതല് തെളിച്ചമുള്ളതാകാൻ സാധ്യതയുണ്ട്. എന്നാല് ഇത് വ്യക്തികളുടെ ഹോർമോണ് നിലയെയും ഭക്ഷണരീതിയെയും ആശ്രയിച്ചിരിക്കും.
DISCLAIMER: മുകളിലുള്ള ലേഖനം അറിവ് നല്കുന്നതിന് മാത്രമുള്ളതാണ്, പ്രൊഫഷണല് മെഡിക്കല് നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങള്ക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.