തിരുവനന്തപുരം: സംസ്ഥാനത്ത് കോവിഡ് വ്യാപനം രൂക്ഷമായി തുടരുന്ന സാഹചര്യത്തില് കര്ശന നിയന്ത്രണങ്ങളേര്പ്പെടുത്താന് തീരുമാനം. ഇക്കാര്യത്തില് ഇന്ന് ചേര്ന്ന സര്വകക്ഷി യോഗത്തില് ധാരണയിലെത്തി. എന്നാല് സംസ്ഥാനത്ത് സമ്ബൂര്ണ ലോക്ക്ഡൗണ് പ്രഖ്യാപിക്കില്ലെന്ന് മുഖ്യമന്ത്രി പിണറായി വിജയന് വാര്ത്താ സമ്മേളനത്തില് പറഞ്ഞു. ഗുരുതര സാഹചര്യം ജനങ്ങളെ ബോധ്യപ്പെടുത്തുമെന്നും അദ്ദേഹം വ്യക്തമാക്കി. കോവിഡ് പ്രതിരോധത്തില് എല്ലാവരും ഒറ്റക്കെട്ടായി നില്ക്കാന് ഇന്നുചേര്ന്ന സര്വകക്ഷിയോഗത്തില് ആവശ്യപ്പെട്ടതായി മുഖ്യമന്ത്രി പറഞ്ഞു.
അതേസമയം കേരളത്തില് 7,354 പേര്ക്ക് കൂടി കോവിഡ്-19 സ്ഥിരീകരിച്ചു. സംസ്ഥാനം ഗുരുതര സ്ഥിതിവിശേഷത്തിലൂടെയാണ് കടന്നുപോകുന്നതെന്ന് മുഖ്യമന്ത്രി മുന്നറിയിപ്പ് നല്കി.
ഇന്ന് രോഗം സ്ഥിരീകരിച്ചവരില് 6,364 പേര്ക്കും സമ്ബര്ക്കത്തിലൂടെയാണ് രോഗബാധ.
സംസ്ഥാനത്ത് പ്രതിദിന കോവിഡ് വ്യാപനം 7,000 കടക്കുന്നത് മൂന്നാം തവണയാണ്. ഇന്ന് മാത്രം 22 കോവിഡ് മരണം സ്ഥിരീകരിച്ചു. സംസ്ഥാനത്തെ ആകെ കോവിഡ് മരണസംഖ്യ 719 ആയി. കോവിഡ് പരിശോധന പോസിറ്റീവ് നിരക്ക് 13 ശതമാനത്തില് ഉയര്ന്നു. ഇത് ഏറെ ആശങ്ക സൃഷ്ടിക്കുന്നു. 130 ആരോഗ്യപ്രവര്ത്തകര്ക്കുകൂടി കോവിഡ് ബാധിച്ചു. ഇപ്പോള് സംസ്ഥാനത്ത് 61,791 പേര് കോവിഡ് ചികിത്സയിലുണ്ട്.
മലപ്പുറം 1040, തിരുവനന്തപുരം 935, എറണാകുളം 859, കോഴിക്കോട് 837, കൊല്ലം 583, ആലപ്പുഴ 524, തൃശൂര് 484, കാസര്ഗോഡ് 453, കണ്ണൂര് 432, പാലക്കാട് 374, കോട്ടയം 336, പത്തനംതിട്ട 271, വയനാട് 169, ഇടുക്കി 57എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
സംസ്ഥാനത്ത് 7,354 പേര്ക്ക് കൂടി കോവിഡ്; സ്ഥിതി ഗുരുതരം
കഴിഞ്ഞ 24 മണിക്കൂറിനിടെ 52,755 സാമ്ബിളുകളാണ് പരിശോധിച്ചതെന്ന് ആരോഗ്യ വകുപ്പ് അറിയിച്ചു. റുട്ടീന് സാമ്ബിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജന് അസ്സെ എന്നിവ ഉള്പ്പെടെ ഇതുവരെ ആകെ 28,62,094 സാമ്ബിളുകളാണ് പരിശോധനയ്ക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്ബര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 2,03,323 സാമ്ബിളുകളും പരിശോധനയ്ക്കയച്ചു.