ഉത്സവകാലങ്ങളിലും വൈകുന്നേരങ്ങളിലെ ചായസമയങ്ങളിലും മലയാളികളുടെ ഒഴിച്ചുകൂടാനാവാത്ത ഒരു വിഭവമാണ് ഉണ്ണിയപ്പം. പാരമ്പര്യമായി പച്ചരിയും ഉഴുന്നും ശർക്കരയും ചേർത്താണ് ഉണ്ണിയപ്പം തയ്യാറാക്കാറുള്ളത്.

എന്നാല്‍ ഇന്നത്തെ തിരക്കേറിയ ജീവിതശൈലിയില്‍ ആരോഗ്യത്തിന് കൂടുതല്‍ പ്രാധാന്യം നല്‍കുന്നവർക്കായി പാരമ്പര്യ രുചി ഒട്ടും ചോർന്നുപോകാതെ തയ്യാറാക്കാൻ പറ്റിയ ഒരു വിഭവമാണ് ഓട്സ് ഉണ്ണിയപ്പം.

ഓട്സ് മള്‍ട്ടിഗ്രെയിൻ മിക്സ് ഉപയോഗിച്ച്‌ വളരെ എളുപ്പത്തില്‍ തയ്യാറാക്കാവുന്ന ഈ പലഹാരം രുചികരവും ഒപ്പം പോഷകസമൃദ്ധവുമാണ്. ശർക്കരയ്ക്ക് പകരം ഈത്തപ്പഴത്തിന്റെ മധുരവും ഒപ്പം ഏത്തപ്പഴവും ചേർക്കുന്നതിനാല്‍ കുട്ടികള്‍ക്കും മുതിർന്നവർക്കും ഒരുപോലെ ധൈര്യമായി ഇത് കഴിക്കാം. വറുത്ത തേങ്ങാക്കൊത്തും കറുത്ത എള്ളും നെയ്യിന്റെ മണവും കൂടിച്ചേരുമ്പോള്‍ നാടൻ ഉണ്ണിയപ്പത്തിന്റെ അതേ രുചി ഇതിലും ലഭിക്കും. കുറഞ്ഞ സമയം കൊണ്ട് എണ്ണ അധികം ചേർക്കാതെ ഉണ്ണിയപ്പച്ചട്ടിയില്‍ ചുട്ടെടുക്കാവുന്ന ഈ പലഹാരം ഡയറ്റ് നോക്കുന്നവർക്കും പ്രമേഹരോഗികള്‍ക്കും ഒരു മികച്ച ചോയ്‌സാണ്. നീതു തന്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകള്‍

• ഓട്സ് മള്‍ട്ടിഗ്രെയിൻ മിക്സ് - ഒന്നര കപ്പ്
• ഗോതമ്പ് പൊടി - അര കപ്പ്
• ഈന്തപ്പഴം (കുരുകളഞ്ഞത്)- 15 എണ്ണം
• ഏത്തപ്പഴം - 2 എണ്ണം
• തേങ്ങാക്കൊത്ത് - കാല്‍ കപ്പ്
• എള്ള് - 1 ടേബിള്‍ സ്പൂണ്‍
• ബേക്കിംഗ് സോഡ - 1 ടീസ്പൂണ്‍
• ഉപ്പ് - ഒരു നുള്ള് (ആവശ്യമെങ്കില്‍)
• നെയ്യ് - ആവശ്യത്തിന്