മുൻപ് നിശ്ചിത സമയത്തിനുള്ളില്‍ അപേക്ഷ സമർപ്പിക്കാൻ സാധിക്കാത്ത യോഗ്യരായ ഉദ്യോഗാർത്ഥികള്‍ക്ക് എസ്‌എസ്‌പി പോർട്ടല്‍ വഴി ഓഗസ്റ്റ് 1 മുതല്‍ ഓഗസ്റ്റ് 5 രാത്രി 11.59 വരെ അപേക്ഷിക്കാവുന്നതാണ്.

പരീക്ഷാ സൈക്കിളിലുണ്ടായ മാറ്റം മൂലമുണ്ടായ ആശയക്കുഴപ്പം കാരണം യോഗ്യരായ പല വിദ്യാർത്ഥികള്‍ക്കും അപേക്ഷിക്കാനുള്ള അവസാന തീയതി നഷ്ടപ്പെട്ടതായി ശ്രദ്ധയില്‍പ്പെട്ടതിനെത്തുടർന്നാണ് ഈ നടപടിയെന്ന് ഐസിഎഐ വ്യക്തമാക്കി. അപേക്ഷകള്‍ പൂർത്തിയാക്കാൻ ഇത്തരം ഉദ്യോഗാർത്ഥികള്‍ക്ക് മറ്റൊരു അവസരം കൂടി നല്‍കാൻ കൗണ്‍സില്‍ തീരുമാനിക്കുകയായിരുന്നു. മുൻപ് ജൂലൈ 6 മുതല്‍ ജൂലൈ 19 വരെയായിരുന്നു അപേക്ഷാ വിൻഡോ തുറന്നിരുന്നത്. വൈകിയുള്ള ഫീസോടെ അപേക്ഷിക്കാൻ ജൂലൈ 22 വരെയും സമയമുണ്ടായിരുന്നു.

വർഷത്തില്‍ മൂന്ന് തവണ പരീക്ഷ നടത്തുന്ന രീതി മാറ്റി, വർഷത്തില്‍ രണ്ടുതവണ (മേയ്, നവംബർ) സിഎ ഫൈനല്‍ പരീക്ഷ നടത്തുന്ന രീതിയിലേക്ക് ഐസിഎഐ തിരികെ പോയ ശേഷമുള്ള ആദ്യത്തെ പരീക്ഷാ സൈക്കിളുകളിലൊന്നാണ് 2026 നവംബറിലേത്. ഈ മാറ്റമാണ് അപേക്ഷാ ഫോം സമർപ്പിക്കേണ്ട സമയക്രമത്തെക്കുറിച്ച്‌ ചില വിദ്യാർത്ഥികളില്‍ ആശയക്കുഴപ്പമുണ്ടാക്കിയതെന്ന് ഐസിഎഐ അറിയിച്ചു.

അപേക്ഷ സമർപ്പിക്കേണ്ടത് എങ്ങനെ?

• ഐസിഎഐയുടെ എസ്‌എസ്‌പി പോർട്ടലായ eservices.icai.org സന്ദർശിക്കുക.
• രജിസ്റ്റർ ചെയ്ത ലോഗിൻ വിവരങ്ങള്‍ ഉപയോഗിച്ച്‌ ലോഗിൻ ചെയ്യുക.
• പരീക്ഷാ അപേക്ഷാ ഫോം പൂർണമായി പൂരിപ്പിക്കുക.
• ആവശ്യമായ രേഖകള്‍ അപ്‌ലോഡ് ചെയ്യുക.
• താല്പര്യമുള്ള പരീക്ഷാ കേന്ദ്രം തിരഞ്ഞെടുക്കുക.
• ബാധകമായ പരീക്ഷാ ഫീസ് അടയ്ക്കുക.
• അപേക്ഷ സമർപ്പിച്ച ശേഷം കണ്‍ഫർമേഷൻ പേജ് ഡൗണ്‍ലോഡ് ചെയ്ത് സൂക്ഷിക്കുക.

അപേക്ഷാ പ്രക്രിയ ആരംഭിക്കുന്നതിന് മുൻപ് ഉദ്യോഗാർത്ഥികള്‍ തങ്ങളുടെ ഫോട്ടോഗ്രാഫ്, ഒപ്പ്, കാറ്റഗറി സർട്ടിഫിക്കറ്റ് (ബാധകമെങ്കില്‍), സർവീസ് സർട്ടിഫിക്കറ്റ്, മറ്റ് ആവശ്യമായ രേഖകള്‍ എന്നിവ തയ്യാറാക്കി വെക്കേണ്ടതാണ്.

ഇളവുകള്‍ റദ്ദാക്കാൻ പുതിയ ഓണ്‍ലൈൻ സൗകര്യം

ഇതോടൊപ്പം, പെർമനന്റ് എക്സംപ്ഷൻ ഉള്‍പ്പെടെയുള്ള ഇളവുകള്‍ റദ്ദാക്കുന്നതിനായി പുതിയൊരു ഓണ്‍ലൈൻ സൗകര്യവും ഐസിഎഐ അവതരിപ്പിച്ചിട്ടുണ്ട്. എസ്‌എസ്‌പി ഡാഷ്‌ബോർഡിലെ 'Exam Functions' എന്ന വിഭാഗത്തിന് കീഴിലാണ് ഈ സൗകര്യം ലഭ്യമാകുക.

സിഎ ഫൈനല്‍ നവംബർ 2026 പരീക്ഷയ്ക്ക് ഹാജരാകുന്ന വിദ്യാർത്ഥികള്‍ക്ക് ഈ സൗകര്യം 2026 സെപ്റ്റംബർ 30 വരെ ലഭ്യമായിരിക്കും. പരീക്ഷാ സംബന്ധമായ സേവനങ്ങള്‍ കൂടുതല്‍ എളുപ്പത്തില്‍ ലഭ്യമാക്കാനും പ്രക്രിയകള്‍ സുഗമമാക്കാനും ലക്ഷ്യമിട്ടാണ് ഈ ഓണ്‍ലൈൻ സംവിധാനം ഏർപ്പെടുത്തിയതെന്ന് ഐസിഎഐ വ്യക്തമാക്കി.