തുടർച്ചയായ നാലാം വർഷവും രാജ്യത്തെ ഒന്നാം നമ്പർ ഇലക്‌ട്രിക് കൊമേഴ്സ്യല്‍ വാഹന നിർമ്മാതാക്കളായി കമ്പനി തിരഞ്ഞെടുക്കപ്പെട്ടു.

ഒറ്റ സാമ്പത്തിക വർഷത്തില്‍ തന്നെ ഒരു ലക്ഷത്തിലധികം ഇലക്‌ട്രിക് വാഹനങ്ങള്‍ വിറ്റഴിക്കുന്ന ആദ്യ വാണിജ്യ വാഹന നിർമ്മാതാക്കളെന്ന റെക്കോഡും മഹീന്ദ്ര ഇതോടൊപ്പം സ്വന്തമാക്കി. എല്‍5 കാറ്റഗറിയില്‍ 39.7 ശതമാനം വിപണി വിഹിതവുമായി കമ്പനി കരുത്ത് തെളിയിച്ചു. ഇതുവരെ മഹീന്ദ്രയുടെ ഇലക്‌ട്രിക് വാഹനങ്ങള്‍ ആകെ 600 കോടി കിലോമീറ്ററിലധികം ദൂരം പിന്നിട്ടു. ഇതിലൂടെ ഏകദേശം 240 കിലോ മെട്രിക് ടണ്‍ കാർബണ്‍ പുറന്തള്ളല്‍ കുറയ്ക്കാനായി. 3.4 ലക്ഷത്തിലധികം ഇലക്‌ട്രിക് വാഹനങ്ങളാണ് കമ്പനി ഇതുവരെ വിറ്റഴിച്ചത്.

ഉപഭോക്താക്കളുടെ താല്‍പ്പര്യങ്ങള്‍ പരിഗണിച്ച്‌ പുറത്തിറക്കിയ 'മഹീന്ദ്ര ഉഡോ' എന്ന പുതിയ മോഡലാണ് ഈ വർഷത്തെ പ്രധാന ആകർഷണം. സെഗ്മെന്റില്‍ ആദ്യമായി റിവേഴ്സ് ത്രോട്ടില്‍ സംവിധാനത്തിന് പുറമേ, മികച്ച എയറോഡൈനാമിക് ഡിസൈനും ഡ്രൈവർമാർക്ക് കൂടുതല്‍ സൗകര്യപ്രദമായ ഫീച്ചറുകളും ഇതിലുണ്ട്. ഒറ്റ ചാർജിങില്‍ 200 കിലോമീറ്റർ ദൂരം സഞ്ചരിക്കാം.