മൂന്ന് വർഷവും അഞ്ച് വർഷവും കാലാവധിയുള്ള 300 മില്യണ്‍ ഡോളർ വീതമുള്ള രണ്ട് ട്രാഞ്ചുകളാണ് ബോണ്ട് ഇഷ്യൂവില്‍ ഉള്‍പ്പെട്ടത്. ആഗോള നിക്ഷേപകരില്‍ നിന്ന് ശക്തമായ പ്രതികരണം ലഭിച്ച ബോണ്ട് ഏകദേശം ഏഴിരട്ടി ഓവർസബ്സ്ക്രൈബ് ചെയ്തു.

നിക്ഷേപകരുടെ മികച്ച പങ്കാളിത്തം ഏഷ്യ, യൂറോപ്പ്-മിഡില്‍ ഈസ്റ്റ്-ആഫ്രിക്ക (ഇഎംഇഎ), ഓഫ്ഷോർ യുഎസ് മേഖലകളില്‍ നിന്നാണ്. ഇടപാടിലൂടെ രാജ്യാന്തര മൂലധന വിപണികളിലെ ബാങ്കിന്റെ സാന്നിധ്യം ശക്തിപ്പെടുത്തുന്നതിനും ഫണ്ടിംഗ് സ്രോതസ്സുകള്‍ കൂടുതല്‍ വൈവിധ്യവത്കരിക്കുന്നതിനും സാധിച്ചതായി യൂണിയൻ ബാങ്ക് അറിയിച്ചു. ബാങ്കിന്റെ സാമ്പത്തിക ശക്തി, മെച്ചപ്പെട്ട ലാഭക്ഷമത, ആസ്തി നിലവാരം എന്നിവയിലുള്ള ആഗോള നിക്ഷേപകരുടെ വിശ്വാസമാണ് മികച്ച പ്രതികരണത്തിന് പിന്നിലെന്നും ബാങ്ക് വ്യക്തമാക്കി. 12 വർഷത്തിന് ശേഷമാണ് യൂണിയൻ ബാങ്ക് ഡോളർ ബോണ്ട് വിപണിയിലേക്ക് തിരിച്ചെത്തുന്നത്.