Friday, 27 Nov, 5.31 pm The Editor

സാങ്കേതിക വാര്‍ത്തകള്‍
കര്‍ഷക മാര്‍ച്ചിന് പിന്തുണ, പോലീസിനെതിരെ പ്രതിഷേധവുമായി നടി വാമിഖ

കര്‍ഷക പ്രതിഷേധ മാര്‍ച്ചിന് പിന്തുണയുമായി നടി വാമിഖ ഗബ്ബി രംഗത്ത്. ദല്‍ഹി ചലോ എന്ന മുദ്രാവാക്യവുമായി രാജ്യ തലസ്ഥാനത്തേക്ക് കര്‍ഷകര്‍ നടത്തുന്ന റാലിക്കെതിരെ പൊലീസ് ജല പീരങ്കി പ്രയോഗിച്ചതിനെതിരെ താരം രംഗത്ത് എത്തുകയായിരുന്നു. ഇന്നലെ രാത്രി പോലീസ്ഹരിയാനയുടെ അതിര്‍ത്തിയില്‍ വച്ച്‌ മാര്‍ച്ചിനെതിരെ ജല പീരങ്കി പ്രയോഗിച്ചിരുന്നു. ഇതിനെതിരെയാണ് താരം രംഗത്ത് എത്തിയത്. കൂടാതെ സംഭവത്തിന്റെ വീഡിയോയും വാമിഖ പങ്കുവച്ചിട്ടുണ്ട്.

ഹരിയാനയിലെ സോണിപതില്‍ വച്ചായിരുന്നു മാര്‍ച്ചിന് നേരെ പോലീസ് ജലപീരങ്കി പ്രയോഗിച്ചത്.'രാത്രി പതിനൊന്ന് മണിക്ക്, 15 ഡിഗ്രി സെല്‍ഷ്യസിലേക്ക് അന്തരീക്ഷ താപനില താഴ്ന്നിരിക്കുന്ന സമയത്താണ് കാര്‍ഷിക നിയമത്തിനെതിരെ പ്രതിഷേധിച്ചുകൊണ്ട് ദല്‍ഹിയിലേക്ക് സമരം നയിക്കുന്ന കര്‍ഷകര്‍ക്ക് നേരെ പൊലീസ് ജലപീരങ്കി പ്രയോഗിച്ചിരിക്കുന്നത്' വാമിഖ പറയുന്നു.

അതേസമയം 'മഹാമാരി കാലത്ത് പോലും നമ്മളെ പട്ടിണി കിടന്ന് മരിക്കാതെ കാത്തുസംരക്ഷിച്ചവരോടാണ് ഇങ്ങനെ ചെയ്യുന്നത്. അവരോടൊപ്പം ഇരുന്ന് സംസാരിക്കാനാവില്ലേ? അവര്‍ പറയുന്നതൊന്ന് കേള്‍ക്കൂ. ജനാധിപത്യം തന്നെയല്ലേ ഇത്. എന്നാല്‍ പിന്നെ പരസ്പരം സംസാരിക്കാന്‍ ഒന്നു ശ്രമിക്കൂ സുഹൃത്തേ'' എന്നും വാമിഖ കൂട്ടിച്ചേര്‍ത്തു. വാമിഖ മലയാള സിനിമയിലെത്തുന്നത് ഗോദയിലൂടെയാണ്. പഞ്ചാബ് സ്വദേശിയാണ് വാമിഖ. പഞ്ചാബി സിനിമയിലെ സുപരിചിതയായ താരം. ഗോദയ്ക്ക് ശേഷം 9 ലും വാമിഖ എത്തി. രണ്ട് ചിത്രത്തിലൂടെ തന്നെ വാമിഖയ്ക്ക് ധാരാളം ആരാധകരെ നേടാന്‍ സാധിച്ചിരുന്നു. സോഷ്യല്‍ മീഡിയയില്‍ സജീവയായ താരം നേരത്തേയും കര്‍ഷക സമരങ്ങളെ അനുകൂലിച്ച്‌ രംഗത്ത് എത്തിയിരുന്നു.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Theeditor
Top