യാത്ര & സാംസ്കാരികം
തടി കുറയ്ക്കാന്‍ ഇന്ത്യന്‍ ഭക്ഷണം ബെസ്ററ്!

ഇന്ത്യന്‍ ഭക്ഷണവും കൊഴുപ്പും തടി കുട്ടുമെന്ന ധാരണയാണ് പലര്‍ക്കും. രണ്ട് പ്രധാന ഭക്ഷണങ്ങള്‍ - റൈസ്, ചപ്പാത്തി എന്നിവയില്‍ കാര്‍ബോഹൈഡ്രേറ്റ് കൂടുതലാണ്, കൂടാതെ കറികളില്‍ ധാരാളം കൊഴുപ്പ് അടങ്ങിയിട്ടുണ്ട്. ഈ രണ്ട് മാക്രോ ന്യൂട്രിയന്റുകളും ഭക്ഷണത്തിന്റെ കലോറി അളവ് വര്‍ദ്ധിപ്പിക്കും, തുടങ്ങിയ ധാരണകളാണ് കാരണം. ഇതിനാല്‍ തന്നെ ഇന്ത്യന്‍ ഭക്ഷണങ്ങളേക്കാള്‍ തടി കുറയ്ക്കാന്‍ ഉപയോഗിയ്ക്കുന്ന ഓട്സ്, തൈര്, സലാഡുകള്‍ എന്നിവ ഇഷ്ടപ്പെടുന്നു. എന്നാല്‍ ഇതില്‍ വാസ്തവമില്ല എന്ന് മാത്രമല്ല തടി കുറയ്ക്കാന്‍ ശ്രമിയ്ക്കുന്നവര്‍ കഴിയ്‌ക്കേണ്ട പ്രധാന ഭക്ഷണങ്ങളില്‍ ഇന്ത്യന്‍ ഭക്ഷണത്തിന് പ്രധാന സ്‌ഥാനവുമുണ്ട്.

വാസ്തവത്തില്‍, ഇന്ത്യന്‍ ഭക്ഷണങ്ങള്‍ പോഷകസാന്ദ്രതയുള്ളവയാണ്, അവ തടി കുറയ്ക്കാന്‍സഹായിക്കുക മാത്രമല്ല ആരോഗ്യത്തോടെ നിലനിര്‍ത്താന്‍ സഹായിക്കുകയും ചെയ്യും. മഞ്ഞള്‍, കുരുമുളക്, ഗ്രാമ്ബൂ, ജീരകം, കടുക് എന്നിവ വിഭവത്തിന് സുഗന്ധങ്ങള്‍ മാത്രമല്ല, ആരോഗ്യകരമായ പോഷകങ്ങളും അടങ്ങിയതാണ്. ആരോഗ്യപരമായ ഗുണങ്ങള്‍ കാരണം, ഈ സുഗന്ധവ്യഞ്ജനങ്ങള്‍ മരുന്നു സംബന്ധമായ ആവശ്യങ്ങള്‍ക്കും ഉപയോഗിക്കുന്നു. അവയുടെ ആന്‍റി ബാക്ടീരിയല്‍, ആന്റിഓക്‌സിഡന്റ് ഗുണങ്ങള്‍ വിട്ടുമാറാത്ത രോഗങ്ങളെ നിങ്ങളില്‍ നിന്ന് അകലെ നിര്‍ത്തുന്നു. ഇന്ത്യന്‍ ഭക്ഷണം ആരോഗ്യകരമാക്കാന്‍ ശരിയായ അളവില്‍ കൊഴുപ്പ് ശരിയായ അളവില്‍ ഉപയോഗിക്കുന്നുവെന്ന് ഉറപ്പാക്കുക. പരമ്ബരാഗത ഇന്ത്യന്‍ ഭക്ഷണം തയ്യാറാക്കാന്‍ കടുക് എണ്ണ, വെളിച്ചെണ്ണ, നെയ്യ് എന്നിവ ഉപയോഗിക്കുന്നു. നിങ്ങള്‍ ശരിയായ അളവില്‍ ഉപയോഗിക്കുകയാണെങ്കില്‍ ഈ തരത്തിലുള്ള കൊഴുപ്പ് ആരോഗ്യകരമാണ്. പ്രോട്ടീന്‍, ഫോളേറ്റ്, കാല്‍സ്യം, ഇരുമ്ബ്, മഗ്നീഷ്യം തുടങ്ങിയ പോഷകങ്ങള്‍ ഈ ധാന്യങ്ങള്‍ ഉപയോഗിച്ച്‌ നിര്‍മ്മിച്ച ചപ്പാത്തിയില്‍ കൂടുതലാണ്.

ഇതിനാല്‍ തന്നെ തടി കുറയ്ക്കുകയും ഒപ്പം ആരോഗ്യം നേടുകയും ചെയ്യാം. ചപ്പാത്തി മുതല്‍ കറികള്‍ വരെ ആരോഗ്യകരവും പോഷകപരവുമായ ചേരുവകള്‍ ഉപയോഗിച്ച്‌ വീട്ടില്‍ തന്നെ എല്ലാം തയ്യാറാക്കുന്നു. സംസ്കരിച്ച ഭക്ഷണത്തേക്കാള്‍ ഭാരം കുറയ്ക്കാന്‍ വീട്ടിലുണ്ടാക്കുന്ന ഭക്ഷണങ്ങള്‍ എല്ലായ്പ്പോഴും നല്ലതാണ്. വാസ്തവത്തില്‍, സംസ്കരിച്ച ഭക്ഷണങ്ങള്‍ അമിതമായി കഴിക്കുന്നത് ശരീരഭാരം വര്‍ദ്ധിപ്പിക്കാനുള്ള പ്രധാന കാരണമാണ്. നിങ്ങള്‍ക്ക് എല്ലായ്പ്പോഴും ഇന്ത്യന്‍ വിഭവങ്ങള്‍ ആശ്രയിക്കാം. പോഹ, ഇഡ്‌ലി പോലുള്ള ഭക്ഷണങ്ങള്‍ രുചികരവും തടി കുറയ്ക്കാന്‍ സഹായിക്കുന്നവയുമാണ്. ഒരേ ഭക്ഷണം കഴിക്കുന്നതില്‍ നിങ്ങള്‍ക്ക് ഒരിക്കലും വിരസത തോന്നാതിരിക്കാനും ശരീരഭാരം കുറയ്ക്കാനുള്ള ലക്ഷ്യത്തിലെത്താന്‍ സഹായം ചെയ്യുന്നതുമായ പല തരം ഇന്ത്യന്‍ ഭക്ഷണങ്ങളും ഇന്ത്യന്‍ പാചക രീതികളുമുണ്ട്. ഇതെല്ലാം തന്നെ ഗുണകരമാണ്.