വാഷിങ്ടണ്: ഹോര്മുസ് വിഷയത്തില് ഇറാനുമായുള്ള കരാര് ഇന്നോ നാളെയോ നടന്നേക്കാമെന്ന് യുഎസ് ട്രഷറി സെക്രട്ടറി സ്കോട്ട് ബെസെന്റ് പറഞ്ഞു.
രണ്ട് ദിവസത്തിനുള്ളില് ഹോര്മുസ് കടലിടുക്ക് വീണ്ടും തുറക്കുന്നത് സംബന്ധിച്ച് ഇറാനുമായി ഒരു കരാറുണ്ടാകാന് സാധ്യതയുണ്ടെന്നാണ് ബെസെന്റ് പറഞ്ഞത്.
'ഞങ്ങള് ഇറാനികളുമായി ചര്ച്ച നടത്തിവരികയാണ്, കടലിടുക്ക് തുറന്ന് ഈ സംഘര്ഷത്തില് കൂടുതല് സാധാരണ നിലയിലേക്ക് നീങ്ങുന്നതിന് ഇന്നോ നാളെയോ ഞങ്ങള്ക്ക് ഒരു കരാര് ഉണ്ടാകാന് സാധ്യതയുണ്ടെന്ന് ഞാന് കരുതുന്നു,' അദ്ദേഹം സിഎന്ബിസിക്ക് നല്കിയ അഭിമുഖത്തില് പറഞ്ഞു.
തെഹ്റാനെ ടോള് ഈടാക്കാന് അനുവദിക്കുമോ എന്ന് ചോദിച്ചപ്പോള്, കരാര് കടലിടുക്കില് സഞ്ചാര സ്വാതന്ത്ര്യം അനുവദിക്കുമെന്ന് ബെസെന്റ് പറഞ്ഞു.
'ഇത് സഞ്ചാര സ്വാതന്ത്ര്യമായിരിക്കും, കഴിഞ്ഞ കുറച്ച് ദിവസങ്ങളായി അവിടെ കാര്യങ്ങള് അല്പ്പം കുഴപ്പത്തിലാണെങ്കിലും, ഇപ്പോഴും നിരവധി കപ്പലുകള് പുറത്തുവരുന്നത് ഞങ്ങള് കണ്ടു.' അദ്ദേഹം പറഞ്ഞു.