തിരുവനന്തപുരം: സംസ്ഥാനത്ത് കനത്ത മഴ തുടരുന്ന സാഹചര്യത്തില് വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ച് കലക്ടര്മാര്.
സംസ്ഥാനത്തെ അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. കാസര്കോട്, വയനാട്, ഇടുക്കി, ആലപ്പുഴ, പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ജില്ലാ കലക്ടര്മാര് നാളെ(05.08.2026)അവധി പ്രഖ്യാപിച്ചു. കോഴിക്കോട് ജില്ലയില് ദുരിതാശ്വാസ ക്യാംപുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കും.
കാസര്കോട്
കാസറഗോഡ് ജില്ലയിലെ വിദ്യാഭ്യാസ സ്ഥാപനങ്ങള്ക്ക് നാളെ (ആഗസ്റ്റ 5 ബുധന്) അവധി.
കേന്ദ്ര കാലാവസ്ഥവ കുപ്പ് കാസറഗോഡ് ജില്ലയില് ഇന്ന് അതി തീവ്ര മഴയ്ക്കുള്ള റെഡ് അലര്ട്ടും നാളെ അതിശക്തമായ മഴയ്ക്കുള്ള ഓറഞ്ച് അലര്ട്ടും പ്രഖ്യാപിച്ചിട്ടുള്ളതിനാലും ശക്തമായ മഴയില് ജില്ലയില് പലയിടങ്ങളിലും ജലാശയങ്ങള് കര കവിഞ്ഞൊഴുകി വെള്ളക്കെട് രൂപപ്പെട്ടതിനാലും മുന്കരുതല് നടപടിയായി ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ആഗസ്റ്റ് 5 ബുധന് ) അവധി പ്രഖ്യാപിച്ചു.
കോളേജുകള്, പ്രൊഫഷണല് കോളേജുകള്, സ്കൂളുകള്, അങ്കണവാടികള്, ട്യൂഷന് സെന്ററുകള്, ഐ.സി.എസ്.ഇ, സി.ബി.എസ്.ഇ. സ്കൂളുകള്, കേന്ദ്രീയ വിദ്യാലയങ്ങള്, ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും മദ്രസ ഉള്പ്പെടെ മതവിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കും.
മുന്കൂട്ടി നിശ്ചയിച്ച സര്വകലാശാല/പൊതു പരീക്ഷകള്ക്കും അഭിമുഖങ്ങള്ക്കും മാറ്റമുണ്ടായിരിക്കുന്നതല്ല
അര്ജുന് പാണ്ഡ്യന്
ജില്ലാ കളക്ടര്
കാസറഗോഡ്
04.08.2026
വയനാട്
ജില്ലയില് ശക്തമായ മഴ തുടരുകയും റെഡ് അലര്ട്ട് നിലനില്ക്കുകയും ചെയ്യുന്ന സാഹചര്യത്തില്, നാളെ (05-08-2026) ജില്ലയിലെ അങ്കണവാടികള്, മതപഠന ക്ലാസുകള്, ട്യൂഷന് സെന്ററുകള്, പരിശീലന സ്ഥാപനങ്ങള്, സ്പെഷ്യല് ക്ലാസുകള്, പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും.
റസിഡന്ഷ്യല് സ്കൂളുകള്ക്കും റസിഡന്ഷ്യല് കോളേജുകള്ക്കും അവധി ബാധകമല്ല. എന്നാല്, റസിഡന്ഷ്യല് സ്കൂളുകളിലെയും കോളേജുകളിലെയും വിദ്യാര്ഥികളുടെ സുരക്ഷ അതത് സ്ഥാപന മേധാവികള് ഉറപ്പുവരുത്തേണ്ടതാണ്. സാഹചര്യത്തിനനുസരിച്ച് വിദ്യാര്ഥികളുടെ സുരക്ഷ മുന്നിര്ത്തി അവധി നല്കാവുന്നതുമാണ്.
റെഡ് അലര്ട്ടുമായി ബന്ധപ്പെട്ട് ജില്ലാ ഭരണകൂടം പുറപ്പെടുവിച്ചിട്ടുള്ള എല്ലാ നിയന്ത്രണങ്ങളും പൊതുജനങ്ങള് കര്ശനമായി പാലിക്കണം.
വിനോദസഞ്ചാരികള് അതീവ ജാഗ്രത പാലിക്കണം. സുരക്ഷിതമായ താമസസ്ഥലങ്ങളില് തന്നെ തുടരുകയും അധികൃതരുടെ നിര്ദേശങ്ങള് കൃത്യമായി പാലിക്കുകയും ചെയ്യണം.
താമരശ്ശേരി ചുരം, ബോയ്സ് ടൗണ്-പാല്ച്ചുരം വഴിയുള്ള യാത്രക്കാര് അതീവ ജാഗ്രത പാലിക്കണം. അത്യാവശ്യമല്ലാത്ത യാത്രകള് പരമാവധി ഒഴിവാക്കി, അനിവാര്യമായ യാത്രകള് മാത്രമേ നടത്താവൂ.
ജാഗ്രതയാണ് സുരക്ഷ. എല്ലാവരും സഹകരിക്കുക.
#CollectorWayanad
#wayanadWE
ഇടുക്കി
*വിദ്യാഭ്യാസ സ്ഥാപനങ്ങള്ക്ക് (ഓഗസ്റ്റ് 5) അവധി*
കനത്ത മഴയും കാറ്റും തുടരുന്ന സാഹചര്യത്തില് ഇടുക്കി ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ഓഗസ്റ്റ് 5) ബുധനാഴ്ച അവധി ആയിരിക്കും. സ്കൂളുകള്, മദ്രസകള്, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്ഇ, ഐസിഎസ് ഇ സ്കൂളുകള് എന്നിവയ്ക്കും അവധി ബാധകമായിരിക്കും. മുഴുവന് വിദ്യാര്ത്ഥികളും താമസിച്ചു പഠിക്കുന്ന റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് കോഴ്സുകള്ക്ക് അവധി ബാധകമല്ല.
ആലപ്പുഴ
അവധി
ശക്തമായ മഴ തുടരുന്ന സാഹചര്യത്തിലും മഴ മുന്നറിയിപ്പുകള് നിലനില്ക്കുന്നതിനാലും ജില്ലയില് പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും 2026 ആഗസ്റ്റ് 05 (ബുധനാഴ്ച) നാളെ അവധി പ്രഖ്യാപിച്ചു. പൊതു പരീക്ഷകള്ക്ക് അവധി ബാധകമല്ല.
പത്തനംതിട്ട
നാളെ അവധി
കനത്ത മഴയെത്തുടര്ന്നും, പ്രളയ ബാധിത ക്യാമ്പുകള് സ്കുളുകളില് പ്രവര്ത്തിക്കുന്നതിനാലും ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള ഏല്ലാ വിദ്യാദ്യാസ സ്ഥാപനങ്ങള്ക്കും നാളെ (05/08/2026) അവധി
കോഴിക്കോട്
കോഴിക്കോട് ജില്ലയില് ശക്തമായ മഴയുടെയും പ്രതികൂല കാലാവസ്ഥയുടെയും പശ്ചാത്തലത്തില് ദുരിതാശ്വാസ ക്യാമ്പുകളായി പ്രവര്ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്ക്കും ക്യാംപ് അവസാനിക്കുന്നതുവരെ അവധിയായിരിക്കുമെന്ന് ജില്ലാ കളക്ടര് അറിയിച്ചു.
മഴ ശക്തമാകുമെന്ന മുന്നറിയിപ്പുള്ളതിനാല് പൊതുജനങ്ങള് അതീവ ജാഗ്രത പാലിക്കണമെന്നും താമരശ്ശേരി ചുരത്തിലും പാല്ചുരത്തിലും ഗതാഗത നിയന്ത്രണം ഏര്പ്പെടുത്തുമെന്നും ജില്ലാ കളക്ടര് അറിയിച്ചു. ചുരങ്ങളിലൂടെയുള്ള യാത്ര അത്യാവശ്യ സാഹചര്യങ്ങളില് മാത്രമാക്കി പരിമിതപ്പെടുത്തണം. അത്തരം യാത്രകളില് അതീവ ജാഗ്രത പുലര്ത്തണമെന്നും ജില്ലാ കളക്ടര് അഭ്യര്ത്ഥിച്ചു.
വയനാട് ജില്ലയില് റെഡ് അലര്ട്ട് പ്രഖ്യാപിച്ച സാഹചര്യത്തില്, പൊതുജനങ്ങളുടെ സുരക്ഷ മുന്നിര്ത്തി ജില്ലാ ടൂറിസം പ്രമോഷന് കൗണ്സില് (ഡി.ടി.പി.സി.), ടൂറിസം വകുപ്പ് എന്നിവയ്ക്കു കീഴിലുള്ള എല്ലാ വിനോദസഞ്ചാര കേന്ദ്രങ്ങളും ഇന്ന് അടച്ചിടുമെന്നും ഡി.ടി.പി.സി സെക്രട്ടറി അറിയിച്ചു.