ദക്ഷിണാഫ്രിക്ക, സിംബാബ്‌വെ, നമീബിയ എന്നീ മൂന്ന് രാജ്യങ്ങളിലായി 12 വേദികളിലാണ് മത്സരം നടക്കുക. 24 വർഷത്തെ നീണ്ട കാത്തിരിപ്പിന് ശേഷമാണ് ഏകദിന ലോകകപ്പ് വീണ്ടും ആഫ്രിക്കൻ മണ്ണിലേക്ക് തിരിച്ചെത്തുന്നത്.(ICC World Cup 2027 Host Venues Announced South Africa Zimbabwe Namibia)

‘ത്രീ നേഷൻസ്, വണ്‍ ഹാർട്ട്ബീറ്റ്’ എന്നതാണ് ടൂർണമെന്റിന്റെ ഔദ്യോഗിക പ്രമേയം. ആഫ്രിക്കൻ സംസ്കാരത്തിലെ ‘ഉബുണ്ടു’ തത്ത്വചിന്തയെ അടിസ്ഥാനമാക്കിയാണ് ലോഗോയും മറ്റും രൂപകല്‍പ്പന ചെയ്തിരിക്കുന്നത്. ദക്ഷിണാഫ്രിക്കയിലെ 8 നഗരങ്ങള്‍, സിംബാബ്‌വെയിലെ 3 നഗരങ്ങള്‍, നമീബിയയുടെ തലസ്ഥാനമായ വിൻഡ്ഹോക്ക് എന്നിവയാണ് 12 വേദികള്‍. 14 ടീമുകള്‍ പങ്കെടുക്കുന്ന ടൂർണമെന്റില്‍ ആകെ 57 മത്സരങ്ങളുണ്ടാകും. 12 മുതല്‍ 14 വരെയുള്ള റാങ്കിലുള്ള ടീമുകള്‍ സൂപ്പർ സീരീസില്‍ മത്സരിച്ച്‌ ജയിച്ചാണ് പ്രധാന ഘട്ടത്തിലേക്ക് യോഗ്യത നേടേണ്ടത്.

ആഫ്രിക്കൻ ഭൂഖണ്ഡത്തിലേക്ക് ലോകകപ്പ് തിരിച്ചെത്തുന്നത് ക്രിക്കറ്റ് ചരിത്രത്തിലെ ഒരു പ്രധാന നാഴികക്കല്ലാണെന്ന് ഐ.സി.സി ചെയർമാൻ ജയ് ഷാ അഭിപ്രായപ്പെട്ടു. മൂന്ന് ആതിഥേയ രാജ്യങ്ങളും ചേർന്ന് അവിസ്മരണീയമായ അനുഭവമായിരിക്കും ആരാധകർക്ക് സമ്മാനിക്കുകയെന്ന് അദ്ദേഹം കൂട്ടിച്ചേർത്തു. 2003-ല്‍ ദക്ഷിണാഫ്രിക്ക, സിംബാബ്‌വെ, കെനിയ എന്നിവർ സംയുക്തമായി ആതിഥേയത്വം വഹിച്ച ലോകകപ്പിന് ശേഷം ആദ്യമായാണ് ഒരു പുരുഷ ഏകദിന ലോകകപ്പ് ആഫ്രിക്കയില്‍ നടക്കുന്നത്.

Story Summary

The International Cricket Council (ICC) officially announced the 12 host venues across South Africa, Zimbabwe, and Namibia for the 2027 Men’s Cricket World Cup. Marking its return to Africa after 24 years, the 14-team tournament will feature 57 matches under the brand theme ‘Three Nations, One Heartbeat’.