ഒരു വീടിന് പുറത്ത് ശൗചാലയത്തിനായി കുഴിയെടുക്കുന്നതിനിടെ പ്രളയത്തില്‍പ്പെട്ട് ഗുരുതരമായി പരിക്കേറ്റ വിവേക് കുമാല്‍ (24) എന്ന തൊഴിലാളിയാണ് കാഠ്മണ്ഡുവിലെ നാഷണല്‍ ട്രോമ സെന്ററിലെ ആശുപത്രി കിടക്കയില്‍ നിന്ന് തന്റെ അനുഭവം വ്യക്തമാക്കിയത്.(Nepal Flash Flood Survivors Share Harrowing Escape Experiences In Kathmandu Hospital)

“വലിയൊരു ചീറ്റല്‍ ശബ്ദമാണ് ആദ്യം കേട്ടത്. കൂടെയുണ്ടായിരുന്നവർ ഓടി രക്ഷപ്പെടാൻ ബഹളം വെച്ചു. കുഴിയില്‍ നിന്ന് കയറി ഓടുന്നതിനിടെ ഭൂകമ്പത്തിന് സമാനമായി കൂറ്റൻ വെള്ളപ്പാച്ചില്‍ ഇരച്ചെത്തി. ചെളിയും പ്രളയജലവും എന്നെ ഒഴുക്കിക്കൊണ്ടുപോയി. എന്നാല്‍ ഭാഗ്യവശാല്‍ ഒരു മാവില്‍ ഞാൻ തടഞ്ഞുനിന്നു. ആ മാവ് ഇല്ലായിരുന്നെങ്കില്‍ ഞാൻ ഒലിച്ചുപോയി മരിച്ചേനെ,” വിവേക് പറഞ്ഞു.

പാറക്കഷ്ണങ്ങളും ചെളിയും നിറഞ്ഞ കൂറ്റൻ ഹിമപാളി തകർന്നു വീണതിനെത്തുടർന്ന് ഉണ്ടായ പ്രളയത്തില്‍ ഇതുവരെ 157-ലധികം ആളുകളാണ് മരണപ്പെട്ടത്. നൂറുകണക്കിന് വിദേശികളടക്കം ഇനിയും കണ്ടെത്താനുണ്ട്. സ്‌കൂള്‍ വിട്ട് വീട്ടിലേക്ക് മടങ്ങുന്നതിനിടെ പുഴ മുറിച്ചുകടക്കുമ്പോള്‍ പ്രളയത്തില്‍പ്പെട്ട് പരിക്കേറ്റ റിഹാന ലാമിച്ചാനെ (11) എന്ന പെണ്‍കുട്ടിയും അത്ഭുതകരമായി രക്ഷപ്പെട്ടവരില്‍ ഉള്‍പ്പെടുന്നു. പരിക്കേറ്റ നൂറിലധികം ആളുകളെ നിലവില്‍ കാഠ്മണ്ഡുവിലെയും രസുവയിലെയും വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്. കാഠ്മണ്ഡുവില്‍ വ്യോമസേനയും സൈന്യവും രക്ഷാപ്രവർത്തനം ഊർജ്ജിതമായി തുടരുന്നു.

Story Summary

Survivors of the catastrophic Nepal flash flood, including a 24-year-old worker who clung to a mango tree and an 11-year-old student, shared their harrowing experience from Kathmandu’s National Trauma Centre as the death toll surpassed 157.