അഞ്ച് നഗരങ്ങളിലായി ആറ് ദിവസം നീണ്ടുനില്‍ക്കുന്ന വിപുലമായ സംസ്‌കാര ചടങ്ങുകളാണ് ഇറാൻ ആസൂത്രണം ചെയ്തിരിക്കുന്നത്. രാജ്യത്തിന്റെ ചരിത്രത്തിലെ ഏറ്റവും വലിയ ഔദ്യോഗിക ഒത്തുചേരലിനാണ് ഇറാൻ സാക്ഷ്യം വഹിക്കാൻ പോകുന്നത്.(Ayatollah Ali Khamenei Funeral, Iran Prepares For Historic Six Day Funeral Procession)

ശനിയാഴ്ച ടെഹ്‌റാനിലെ ഗ്രാൻഡ് മൊസല്ല പ്രാർത്ഥനാ സമുച്ചയത്തില്‍ ഭൗതികശരീരം പൊതുദർശനത്തിന് വെക്കും. തിങ്കളാഴ്ച ടെഹ്‌റാൻ നഗരവീഥികളിലൂടെ വിലാപയാത്ര നടക്കും. ജൂലൈ ഏഴിന് പുണ്യനഗരമായ കോമിലെ ചടങ്ങുകള്‍ക്ക് ശേഷം, ഇറാഖിലെ നജാഫ്, കർബല നഗരങ്ങളിലേക്ക് വിലാപയാത്ര നീളും. ജൂലൈ 9ന് മഷാദിലെ ജന്മനാട്ടില്‍ ഔദ്യോഗിക ബഹുമതികളോടെ ഖമേനിയെ സംസ്കരിക്കും.

ഏകദേശം 1.5 മുതല്‍ 2 കോടി വരെ ആളുകള്‍ ചടങ്ങുകളില്‍ പങ്കെടുക്കുമെന്നാണ് കണക്കാക്കുന്നത്. ഇതേതുടർന്ന് ഇറാനിലുടനീളം പൊലീസ് അതീവ ജാഗ്രത പ്രഖ്യാപിച്ചു. റഷ്യ, ചൈന, ഇന്ത്യ, പാകിസ്ഥാൻ ഉള്‍പ്പെടെ 30-ലധികം രാജ്യങ്ങളില്‍ നിന്നുള്ള പ്രതിനിധികളും 90 രാജ്യങ്ങളില്‍ നിന്നുള്ള പ്രമുഖ മതനേതാക്കളും അന്ത്യകർമ്മങ്ങളില്‍ ഭാഗമാകും. നയതന്ത്ര തലത്തില്‍ വലിയ പ്രാധാന്യമുള്ള ഈ ചടങ്ങില്‍ പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് നേരിട്ടെത്തും. മിഡില്‍ ഈസ്റ്റിലെ ഭൗമരാഷ്ട്രീയത്തില്‍ ഈ അന്ത്യയാത്ര വലിയ സ്വാധീനം ചെലുത്തുമെന്നാണ് രാഷ്ട്രീയ നിരീക്ഷകരുടെ വിലയിരുത്തല്‍.

Story Summary

Iran is preparing for a historic six-day funeral procession for its late Supreme Leader Ayatollah Ali Khamenei, who was killed in a joint US-Israel airstrike in February. The elaborate events, spanning five cities across Iran and Iraq, are expected to draw nearly 20 million people and numerous international dignitaries, signaling a significant moment in the geopolitics of the Middle East.