പുനെയിലും ഔറംഗാബാദിലും ദിപ്‌കെയുടെ അനുയായികള്‍ തന്നെ ആക്രമിച്ചെന്നാണ് പരാതിയിലെ ആരോപണം (Faizan Ansari Complaint Against Abhijeet Dipke). സംഭവങ്ങളുമായി ബന്ധപ്പെട്ട് നേരത്തെ രണ്ട് കേസുകള്‍ രജിസ്റ്റർ ചെയ്തിട്ടുണ്ടെന്നും ദിപ്‌കെയെ ഉടൻ അറസ്റ്റ് ചെയ്യണമെന്നും അൻസാരി ആവശ്യപ്പെട്ടു. ഡല്‍ഹി ഡെപ്യൂട്ടി പൊലീസ് കമ്മിഷണർക്ക് രേഖാമൂലം പരാതി നല്‍കിയതായി അൻസാരി അറിയിച്ചു. തനിക്കുനേരെയുണ്ടായ ആക്രമണങ്ങളില്‍ ദിപ്‌കെയുടെ ആളുകള്‍ക്ക് പങ്കുണ്ടെന്ന് തെളിയിക്കുന്ന രേഖകള്‍ കൈവശമുണ്ടെന്നും അദ്ദേഹം അവകാശപ്പെട്ടു. പുണെയിലും ഔറംഗാബാദിലുമായി നടന്ന സംഭവങ്ങളില്‍ ഇതിനകം രണ്ട് കേസുകള്‍ രജിസ്റ്റർ ചെയ്തിട്ടുണ്ടെന്നും അൻസാരി പറഞ്ഞു.

അതേസമയം, സാമൂഹിക പ്രവർത്തകൻ സോനം വാങ്ചുക്കിനെ കസ്റ്റഡിയിലെടുത്ത ഡല്‍ഹി സർക്കാരിന്റെയും പൊലീസിന്റെയും നടപടിയെ അൻസാരി പ്രശംസിച്ചു. ഈ നടപടിയിലൂടെ ഡല്‍ഹിയിലെ സാഹചര്യം വഷളാകുന്നത് തടയാനായെന്നും അദ്ദേഹം അവകാശപ്പെട്ടു. അഭിജീത് ദിപ്‌കെ വ്യക്തിപരമായ നേട്ടങ്ങള്‍ ലക്ഷ്യമിട്ടാണ് പ്രവർത്തിക്കുന്നതെന്നും അൻസാരി ആരോപിച്ചു. ഇതിനിടെ, CJP സ്ഥാപകന്റെ പിതാവായ ഭഗവാൻറാവു ദിപ്‌കെയുടെ സാമ്പത്തിക ഇടപാടുകളില്‍ അന്വേഷണം ആവശ്യപ്പെട്ട് സൂറത്ത് സ്വദേശിയായ ആർടിഐ പ്രവർത്തകൻ അമിത് തിവാരി നേരത്തെ രംഗത്തെത്തിയിരുന്നു. ജൂനിയർ എൻജിനീയറായിരുന്ന പിതാവിന്റെ ശമ്പളം ഉപയോഗിച്ച്‌ അഭിജീത് ദിപ്‌കെയുടെ അമേരിക്കയിലെ ഉന്നതവിദ്യാഭ്യാസം എങ്ങനെ സാധ്യമായെന്ന ചോദ്യമാണ് അദ്ദേഹം ഉയർത്തിയത്.

സിജെപി യുടെ നിയമപരമായ പദവിയും രാജ്യസഭാംഗം കപില്‍ സിബല്‍ പ്രഖ്യാപിച്ച ഒരു കോടി രൂപയുടെ ഫണ്ടുമായി ബന്ധപ്പെട്ട നികുതി ബാധ്യതയും പരിശോധിക്കണമെന്നാവശ്യപ്പെട്ട് തിവാരി തിരഞ്ഞെടുപ്പ് കമ്മിഷനെയും കേന്ദ്ര പരോക്ഷ നികുതി-കസ്റ്റംസ് ബോർഡിനെയും സമീപിച്ചതായും റിപ്പോർട്ടുണ്ട്.

അതേസമയം, ആവശ്യങ്ങള്‍ അംഗീകരിച്ചില്ലെങ്കില്‍ കേന്ദ്രസർക്കാരിനെതിരെ വീണ്ടും ധർണ ആരംഭിക്കുമെന്ന് അഭിജീത് ദിപ്‌കെ മുന്നറിയിപ്പ് നല്‍കിയിരുന്നു. ആത്മഹത്യ ചെയ്തതായി പറയപ്പെടുന്ന നീറ്റ് -യുജി പരീക്ഷാർഥികളുടെ കുടുംബങ്ങള്‍ക്ക് പ്രഖ്യാപിച്ച ഒരു കോടി രൂപയുടെ നഷ്ടപരിഹാരം കേന്ദ്രം ഇതുവരെ നല്‍കിയിട്ടില്ലെന്നും അദ്ദേഹം ആരോപിച്ചു. ജന്തർ മന്തറില്‍ 37 ദിവസം നീണ്ടുനിന്ന CJPയുടെ പ്രതിഷേധം, കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവച്ചതിനെ തുടർന്നും മറ്റ് പ്രധാന ആവശ്യങ്ങളില്‍ ഉറപ്പ് ലഭിച്ചതിനെ തുടർന്നുമാണ് ജൂലൈ 25ന് പിൻവലിച്ചത്. സംഭവത്തില്‍ അഭിജീത് ദിപ്‌കെയുടെയോ CJPയുടെയോ പ്രതികരണം ലഭ്യമായിട്ടില്ല. പരാതിയിലെ ആരോപണങ്ങളില്‍ ഡല്‍ഹി പൊലീസ് സ്വീകരിക്കുന്ന തുടർനടപടികള്‍ക്കായി കാത്തിരിക്കുകയാണ്.

Summary: Social media influencer Faizan Ansari has filed a complaint with Delhi Police against CJP founder Abhijeet Dipke, alleging that Dipke's associates attacked him in Pune and Aurangabad. Ansari has demanded Dipke's immediate arrest, while the allegations have not yet been independently verified.