സുധാകരൻ (G Sudhakaran Ambalappuzha Election). പ്രചാരണത്തിന്റെ അവസാന ഘട്ടത്തില്‍ മാധ്യമങ്ങളോട് സംസാരിക്കവെയാണ് മുൻ സിപിഎം നേതാവ് കൂടിയായ സുധാകരൻ ആത്മവിശ്വാസം പ്രകടിപ്പിച്ചത്. അമ്പലപ്പുഴയില്‍ എല്‍ഡിഎഫ് വർഗീയ ചേരിതിരിവുണ്ടാക്കി ജനങ്ങളെ ഭിന്നിപ്പിക്കാൻ ശ്രമിച്ചതായും അദ്ദേഹം ആരോപിച്ചു.

മുസ്ലിം വിഭാഗത്തെയും നായർ വിഭാഗത്തെയും തമ്മിലടിപ്പിക്കാനും ഭിന്നിപ്പിക്കാനും എല്‍ഡിഎഫ് ശ്രമിച്ചതായി സുധാകരൻ ആരോപിച്ചു.
നവകേരളം ഉണ്ടായത് പിണറായി വിജയൻ മുഖ്യമന്ത്രിയായ ശേഷമല്ലെന്നും 1956 നവംബർ ഒന്നിനാണ് കേരളം ഉണ്ടായതെന്നും അദ്ദേഹം ഓർമ്മിപ്പിച്ചു. പഴയകാല കമ്മ്യൂണിസ്റ്റ് മന്ത്രിമാരുടെ ലാളിത്യം ഇന്നത്തെ ഒരു മന്ത്രിമാർക്കുമില്ലെന്നും അദ്ദേഹം പരിഹസിച്ചു.

യുഡിഎഫ് പ്രവർത്തകർ വലിയ ആവേശത്തോടെയാണ് പ്രവർത്തിച്ചതെന്നും പാണക്കാട് തങ്ങള്‍ ഉള്‍പ്പെടെയുള്ളവർ തനിക്ക് വേണ്ടി രംഗത്തിറങ്ങിയത് വലിയ കരുത്തായെന്നും അദ്ദേഹം കൂട്ടിച്ചേർത്തു.മണ്ഡലത്തിലെ വോട്ടെടുപ്പ് സുതാര്യമാക്കാൻ കേന്ദ്രസേനയെ വിന്യസിക്കണമെന്ന് ആവശ്യപ്പെട്ട് ജി. സുധാകരൻ ഹൈക്കോടതിയെ സമീപിച്ചിട്ടുണ്ട്.

മണ്ഡലത്തിലെ 195 ബൂത്തുകള്‍ക്കും കേന്ദ്രസേനയുടെ സംരക്ഷണം നല്‍കണമെന്നാണ് ആവശ്യം.താൻ വോട്ട് ചെയ്യുന്നത് തടയുമെന്ന് ഭീഷണിയുണ്ടെന്നും ജനങ്ങള്‍ക്ക് ഭയരഹിതമായി വോട്ട് ചെയ്യാനുള്ള സാഹചര്യം ഒരുക്കണമെന്നും അദ്ദേഹം ആവശ്യപ്പെട്ടു. സിപിഎമ്മില്‍ നിന്ന് രാജിവെച്ച്‌ യുഡിഎഫ് സ്വതന്ത്രനായി മത്സരിക്കുന്ന ജി. സുധാകരന്റെ സാന്നിധ്യം അമ്പലപ്പുഴയിലെ പോരാട്ടത്തെ സംസ്ഥാനത്തെ തന്നെ ഏറ്റവും ശ്രദ്ധേയമായ മത്സരങ്ങളിലൊന്നാക്കി മാറ്റിയിരിക്കുകയാണ്.

Story Summary:
UDF independent candidate G. Sudhakaran expressed high confidence in winning the Ambalappuzha constituency by a margin of 50,000 votes. The former CPM leader accused the LDF of trying to divide people on communal lines and criticized Chief Minister Pinarayi Vijayan’s ‘Nava Kerala’ claims. Sudhakaran also approached the High Court seeking central force protection for all 195 booths in the constituency, alleging threats to his safety and the voting process.