ആദ്യ ഭാഗത്തിന്റെ ചിത്രീകരണ വേളയില്‍ തന്നെ തിരക്കഥാകൃത്ത് ഷാരിസ് മുഹമ്മദും സംവിധായകൻ ഡിജോയും ഇതിന്റെ ആശയങ്ങള്‍ തന്നോട് പങ്കുവെച്ചിരുന്നുവെന്ന് താരം വ്യക്തമാക്കി.

ജനഗണമനയുടെ രണ്ടാം ഭാഗം എന്നതിലുപരി താൻ അവതരിപ്പിച്ച ‘അരവിന്ദ് സ്വാമിനാഥൻ’ എന്ന കഥാപാത്രത്തിന്റെ കഥയുടെ തുടർച്ച എന്ന നിലയിലാണ് പുതിയ ഐഡിയ പങ്കുവെച്ചത്. വെറും പത്ത് മിനിറ്റ് കൊണ്ട് അവർ തന്നോട് പറഞ്ഞ കഥാതന്തു അങ്ങേയറ്റം രസകരമായി തോന്നി. ഇനി അത് തിരക്കഥയായി പൂർത്തിയാക്കേണ്ടതുണ്ട്. താൻ സംവിധാനം ചെയ്ത ചിത്രമല്ലാത്തതിനാല്‍ അവർ ആവശ്യമായ തയ്യാറെടുപ്പുകള്‍ പൂർത്തിയാക്കിയാല്‍ മാത്രമേ തുടർപ്രവർത്തനങ്ങള്‍ ഉണ്ടാകൂ എന്നും പൃഥ്വി കൂട്ടിച്ചേർത്തു.

ജനഗണമന രണ്ടാം ഭാഗത്തിന്റെ പണികള്‍ നടന്നുവരികയാണെന്ന് സംവിധായകൻ ഡിജോ ജോസ് ആന്റണിയും വ്യക്തമാക്കി. പൃഥ്വിരാജിന്റെ കരിയറിലെ തന്നെ ഏറ്റവും മികച്ച പ്രകടനങ്ങളിലൊന്നായിരുന്നു ജനഗണമനയിലേത്. ആദ്യ ഭാഗത്തിന്റെ അവസാനം നല്‍കിയ സൂചനകള്‍ രണ്ടാം ഭാഗത്തിന് വലിയ പ്രതീക്ഷയാണ് പ്രേക്ഷകർക്കിടയില്‍ നല്‍കിയിരിക്കുന്നത്.

പൃഥ്വിരാജ് സുകുമാരൻ, സുരാജ് വെഞ്ഞാറമൂട് എന്നിവർ തകർത്തഭിനയിച്ച ആദ്യ ഭാഗം ബോക്സ് ഓഫീസിലും വലിയ വിജയം നേടിയിരുന്നു. രണ്ടാം ഭാഗം എപ്പോള്‍ ആരംഭിക്കുമെന്ന കാര്യത്തില്‍ വരും ദിവസങ്ങളില്‍ കൂടുതല്‍ വ്യക്തതയുണ്ടാകും.

Story Summary: Actor Prithviraj Sukumaran confirmed the sequel to his superhit movie ‘Jana Gana Mana’. Speaking at the press meet of ‘Pallichattambi’, he revealed that the story will focus on the character Adv. Aravind Swaminathan and director Dijo Jose Antony is working on it.