തിങ്കളാഴ്ച രാത്രി വൈകിയാണ് കമ്മീഷൻ പുതിയ പട്ടിക പ്രസിദ്ധീകരിച്ചത്. തൃണമൂല്‍ കോണ്‍ഗ്രസിന്റെ ശക്തികേന്ദ്രങ്ങളിലും അതിർത്തി ജില്ലകളിലും വൻതോതില്‍ വോട്ടർമാരെ വെട്ടിമാറ്റിയത് സംസ്ഥാനത്ത് വലിയ രാഷ്ട്രീയ പ്രതിഷേധത്തിന് കാരണമായിട്ടുണ്ട്.

60 ലക്ഷത്തോളം പേരുടെ കാര്യത്തില്‍ നേരത്തെ തീരുമാനമെടുത്തിരുന്നില്ല. ഇതില്‍ 32,68,119 പേർ പട്ടികയില്‍ ഇടംപിടിച്ചപ്പോള്‍ 27,16,393 പേർ പുറത്തായി. 22,163 വോട്ടർമാരുടെ കാര്യത്തില്‍ ഇപ്പോഴും തീരുമാനമായിട്ടില്ല. തൃണമൂല്‍ സ്വാധീനമേഖലകളിലാണ് വലിയ തോതില്‍ വെട്ടിക്കുറയ്ക്കല്‍ നടന്നത്.

മുർഷിദാബാദ്: 4.55 ലക്ഷം പേർ പുറത്ത്.
നോർത്ത് 24 പർഗാനാസ്: 3.25 ലക്ഷം പേർ.
മാള്‍ഡ: 2.39 ലക്ഷം പേർ.
സൗത്ത് 24 പർഗാനാസ്: 2.22 ലക്ഷം പേർ.
പൂർവ്വ വർധമാൻ: 2.09 ലക്ഷം പേർ.

ബംഗ്ലാദേശുമായി അതിർത്തി പങ്കിടുന്ന ജില്ലകളില്‍ നിന്നും ന്യൂനപക്ഷ വിഭാഗങ്ങള്‍ കൂടുതലുള്ള മേഖലകളില്‍ നിന്നുമാണ് വലിയ തോതില്‍ വോട്ടർമാർ പുറത്തായത്. ഇത് തങ്ങളെ ലക്ഷ്യം വെച്ചുള്ള നീക്കമാണെന്ന് തൃണമൂല്‍ കോണ്‍ഗ്രസ് ആരോപിക്കുന്നു.

വിഷയത്തില്‍ വിശദീകരണം തേടി തിരഞ്ഞെടുപ്പ് കമ്മീഷനെ കാണാൻ തൃണമൂല്‍ നേതൃത്വം അനുമതി തേടിയിട്ടുണ്ട്. ആദ്യം മറുപടി നല്‍കാതിരുന്ന കമ്മീഷൻ, പാർട്ടി പ്രതിഷേധം ശക്തമാക്കിയതോടെ നാളെ രാവിലെ കൂടിക്കാഴ്ചയ്ക്ക് സമയം അനുവദിച്ചു.

സുപ്രീം കോടതിയുടെ നിർദ്ദേശപ്രകാരം, അന്തിമ പട്ടികയില്‍ നിന്ന് പുറത്തായവർക്ക് ജുഡീഷ്യല്‍ ട്രിബ്യൂണലിന് മുന്നില്‍ അപ്പീല്‍ നല്‍കാൻ അവസരമുണ്ട്. ചരിത്രത്തിലാദ്യമായാണ് ഓരോ ജില്ലയിലും വോട്ടർമാർ യോഗ്യരാണോ എന്ന് പ്രത്യേകം രേഖപ്പെടുത്തിയ റിപ്പോർട്ട് തിരഞ്ഞെടുപ്പ് കമ്മീഷൻ പുറത്തുവിടുന്നത്.

Story Summary:
Over 27 lakh voters have been excluded from the final electoral roll in West Bengal, according to the list released by the Election Commission. The Trinamool Congress (TMC) has raised strong objections, noting that a vast majority of those excluded are from TMC strongholds and border districts like Murshidabad and Malda. Out of nearly 60 lakh pending cases, 32.68 lakh were included while 27.16 lakh were left out. TMC leaders are set to meet EC officials tomorrow to discuss the massive exclusion.