ഗ്രില്‍ ചെയ്തോ ഓവനില്‍ വെച്ചോ അല്ലെങ്കില്‍ തവയില്‍ വറുത്തോ നിങ്ങള്‍ക്ക് ഇത് ഉണ്ടാക്കാവുന്നതാണ്. (Chicken Kebab)

ആവശ്യമായ ചേരുവകള്‍:

ബോണ്‍ലെസ്സ് ചിക്കൻ: ആവശ്യത്തിന്

ഹംഗ് കർഡ് (തൈര് വെള്ളം വാർത്തു കളഞ്ഞത്): ആവശ്യത്തിന്

നാരങ്ങാനീര്: പാകത്തിന്

ഇഞ്ചി-വെളുത്തുള്ളി പേസ്റ്റ്: ആവശ്യത്തിന്

മഞ്ഞള്‍പ്പൊടി, മുളകുപൊടി, ഗരം മസാല: ആവശ്യത്തിന്

ഉപ്പ്, എണ്ണ: പാകത്തിന്

സവാള (ചെറിയ കഷ്ണങ്ങളാക്കിയത് – ഗ്രില്‍ ചെയ്യാൻ)

തയ്യാറാക്കുന്ന വിധം:

ഒരു പാത്രത്തില്‍ തൈര്, നാരങ്ങാനീര്, ഇഞ്ചി-വെളുത്തുള്ളി പേസ്റ്റ്, മഞ്ഞള്‍പ്പൊടി, മുളകുപൊടി, ഗരം മസാല, ഉപ്പ്, അല്പം എണ്ണ എന്നിവ ചേർത്ത് നന്നായി യോജിപ്പിച്ച്‌ മസാല തയ്യാറാക്കുക.

വെള്ളം ഒട്ടും ഇല്ലാത്ത ചിക്കൻ കഷ്ണങ്ങള്‍ ഈ മസാലയില്‍ ചേർത്ത് നന്നായി പുരട്ടുക. ഇതിലേക്ക് കഷ്ണങ്ങളാക്കിയ സവാളയും കൂടി ചേർക്കുക.

ഇത് കുറഞ്ഞത് 4 മണിക്കൂറെങ്കിലും ഫ്രിഡ്ജില്‍ വെച്ച്‌ മാരിനേറ്റ് ചെയ്യാൻ അനുവദിക്കുക (രാത്രി മുഴുവൻ വെച്ചാല്‍ കൂടുതല്‍ രുചികരമായിരിക്കും).

ഓവൻ 240 ഡിഗ്രിയില്‍ പ്രീഹീറ്റ് ചെയ്യുക. സ്ക്യൂവേഴ്സില്‍ ചിക്കനും സവാളയും മാറി മാറി കോർക്കുക.

15-20 മിനിറ്റ് ഗ്രില്‍ ചെയ്ത ശേഷം ചിക്കൻ മറിച്ചിടുക. വീണ്ടും 10-15 മിനിറ്റ് കൂടി ഗ്രില്‍ ചെയ്യുക. അവസാന 5 മിനിറ്റ് ട്രേ മുകളിലത്തെ റാക്കിലേക്ക് മാറ്റിയാല്‍ സവാള നല്ലതുപോലെ മൊരിഞ്ഞ് നല്ല രുചി ലഭിക്കും.

പുതിന ചട്ണിയോടൊപ്പം ചൂടോടെ വിളമ്പുക.