വാഷിംഗ്ടണ്: തന്നെ വിമർശിക്കുന്ന സെലിബ്രിറ്റികളെ പരിഹസിച്ചുകൊണ്ട് യുഎസ് പ്രസിഡന്റ് ഡൊണാള്ഡ് ട്രംപ് പങ്കുവെച്ച എഐ വീഡിയോ സോഷ്യല് മീഡിയയില് ചർച്ചയാകുന്നു.
വെളുത്ത ലാബ് കോട്ടും കഴുത്തില് സ്റ്റെതസ്കോപ്പും അണിഞ്ഞ് ‘ഡോക്ടർ ട്രംപ്’ എന്ന വേഷത്തിലാണ് എഐ ഉപയോഗിച്ച് നിർമ്മിച്ച വീഡിയോയില് ട്രംപ് പ്രത്യക്ഷപ്പെടുന്നത്.(Donald Trump shares AI video mocking critics as patients)
തന്നെ എതിർക്കുന്നവർക്ക് ‘ട്രംപ് ഡെറേഞ്ച്മെന്റ് സിൻഡ്രോം’ എന്ന രോഗമാണെന്നും, അതിനുള്ള ചികിത്സ താൻ നല്കുന്നുണ്ടെന്നുമാണ് വീഡിയോയിലെ പ്രധാന ആശയം. ട്രംപിനോടുള്ള അകാരണമായ വെറുപ്പിനെ വിശേഷിപ്പിക്കാൻ അദ്ദേഹവും അനുയായികളും വർഷങ്ങളായി ഉപയോഗിക്കുന്ന പരിഹാസപദമാണ് ഈ ‘ടിഡിഎസ്’.
റോസി ഒ’ഡൊണല്, വൂപ്പി ഗോള്ഡ്ബെർഗ്, റോബർട്ട് ഡി നിറോ, ജൂലിയ റോബർട്ട്സ്, എഡ്വേർഡ് നോർട്ടണ്, ജോണ് ലെഗ്വിസാമോ തുടങ്ങിയ പ്രമുഖ സെലിബ്രിറ്റികളെയാണ് വീഡിയോയില് രോഗികളായി ചിത്രീകരിച്ചിരിക്കുന്നത്. ‘ഫേക്ക് ന്യൂസ്’ കാണുന്നത് നിർത്തുക, പ്രാർത്ഥിക്കുക, അസ്വസ്ഥത തോന്നിയാല് താനെന്നപോലെ ഒരു ഡയറ്റ് കോക്ക് കുടിക്കുക – ഇതാണ് ‘ഡോക്ടർ ട്രംപ്’ തന്റെ രോഗികള്ക്ക് നല്കുന്ന മരുന്ന്.
ആർട്ടിഫിഷ്യല് ഇന്റലിജൻസ് ഉപയോഗിച്ച് ശ്രദ്ധയാകർഷിക്കുന്ന രീതിയിലുള്ള പോസ്റ്റുകള് ട്രംപ് പങ്കുവെക്കുന്നത് ഇതാദ്യമല്ല. നേരത്തെ, താൻ രോഗികളെ സുഖപ്പെടുത്തുന്ന രീതിയില് യേശുക്രിസ്തുവിന്റെ സാദൃശ്യമുള്ള എഐ ചിത്രം പങ്കുവെച്ചത് വലിയ വിവാദങ്ങള്ക്ക് തിരികൊളുത്തിയിരുന്നു.
Story Summary
US President Donald Trump has shared an AI-generated video featuring himself as “Dr. Trump,” a physician offering a fictional cure for “Trump Derangement Syndrome” to his celebrity critics. The video, which has sparked significant attention, depicts various stars as patients and suggests ironic remedies like avoiding “fake news” and drinking Diet Coke to address their supposed irrational dislike of him.