മത്സരത്തിന് മുൻപ് തന്നെ മണ്ഡലത്തില്‍ തോല്‍വി നേരിട്ടു. എടപ്പാടിയില്‍ ടി.വി.കെ സ്ഥാനാർത്ഥിയുടെ നാമനിർദ്ദേശ പത്രിക തിരഞ്ഞെടുപ്പ് കമ്മീഷൻ തള്ളി. പത്രികയില്‍ ആവശ്യമായ നിർദ്ദേശകരുടെ ഒപ്പുകള്‍ ഇല്ലാത്തതാണ് കാരണം.(Vijay’s TVK loses one seat even before its debut contest in Tamil Nadu polls)

ചട്ടപ്രകാരം ഓരോ നാമനിർദ്ദേശ പത്രികയ്ക്കും കുറഞ്ഞത് 10 നിർദ്ദേശകരുടെ പിന്തുണ വേണം. എന്നാല്‍ ടി.വി.കെ സ്ഥാനാർത്ഥി അരുണ്‍കുമാർ എം സമർപ്പിച്ച പത്രികയില്‍ 8 പേരുടെ ഒപ്പുകള്‍ മാത്രമേ ഉണ്ടായിരുന്നുള്ളൂ. പാർട്ടിയുടെ ഡമ്മി സ്ഥാനാർത്ഥിയായിരുന്ന നിത്യയുടെ പത്രികയില്‍ 7 പേരുടെ ഒപ്പുകള്‍ മാത്രമാണ് ഉണ്ടായിരുന്നത്. ഇതോടെ ഡമ്മി സ്ഥാനാർത്ഥിയുടെ പത്രികയും തള്ളപ്പെട്ടു.

പത്രിക തള്ളിയതിന് പിന്നാലെ ടി.വി.കെ സ്ഥാനാർത്ഥിയെ കാണാതായെന്നും വിവരമുണ്ട്. ഇത് പാർട്ടിക്കുള്ളില്‍ വലിയ പ്രതിസന്ധി സൃഷ്ടിച്ചിരിക്കുകയാണ്. നാമനിർദ്ദേശ പത്രികകളുടെ സൂക്ഷ്മപരിശോധന വേളയിലും അരുണ്‍കുമാർ ഹാജരായിരുന്നില്ല.