മെക്സിക്കോയിലെ ജാലിസ്‌കോയില്‍ ഒരു നിഗൂഢ വ്യക്തിയോ സംഘമോ നടത്തുന്ന 'സ്വയം പ്രഖ്യാപിത നീതി' ചർച്ചയാകുന്നു. 'ലാഗോസ് ഡി മോറെനോയിലെ ബാറ്റ്മാൻ' എന്ന് സമൂഹമാധ്യമങ്ങളില്‍ വിശേഷിപ്പിക്കപ്പെടുന്ന ഈ വ്യക്തി, മോട്ടോർസൈക്കിള്‍ മോഷണക്കുറ്റം ആരോപിച്ച്‌ യുവാക്കളെ തൂണുകളില്‍ ടേപ്പ് ഉപയോഗിച്ച്‌ കെട്ടിയിടുകയാണ് ചെയ്യുന്നത്.

ജൂണ്‍ 13-നാണ് ആദ്യമായി ഇത്തരം സംഭവം റിപ്പോർട്ട് ചെയ്തത്. പിന്നീട് ജൂണ്‍ 17, 19 തീയതികളിലും സമാനമായ രീതിയില്‍ യുവാക്കളെ കെട്ടിയിട്ടതായി റിപ്പോർട്ടുകളുണ്ട്. ഇതുവരെ അഞ്ച് പേരെയാണ് ഇത്തരത്തില്‍ കണ്ടെത്തിയിട്ടുള്ളത്. ആരെയാണ് ഇവർ ലക്ഷ്യം വെക്കുന്നതെന്നും എന്തിനാണ് ഇത്തരമൊരു കടുത്ത ശിക്ഷാ രീതി പിന്തുടരുന്നതെന്നും ഇതുവരെ കണ്ടെത്താനായിട്ടില്ല. നിയമം കൈയ്യിലെടുക്കുന്ന ഈ രീതിക്കെതിരെ വലിയ പ്രതിഷേധവും ഉയരുന്നുണ്ട്.

Summary: A mysterious vigilante group, dubbed the “Batman of Lagos de Moreno,” has gone viral in Mexico after repeatedly capturing individuals accused of motorcycle theft and tying them to poles in public areas. While the acts have garnered attention online as vigilante justice, Jalisco authorities are treating the restrained individuals as victims and have launched an investigation to identify the perpetrators and verify the criminal allegations against those targeted.