തിരുവനന്തപുരം: പ്രതിപക്ഷ നേതാവ് പിണറായി വിജയന്റെ തിരുവനന്തപുരത്തെ വസതിയിലെ ഇഡി റെയ്ഡിന് ശേഷം മടങ്ങിയ ഉദ്യോഗസ്ഥരെ ആക്രമിച്ച സംഭവം സിപിഐഎമ്മും ഡിവൈഎഫ്‌ഐയും ചേർന്ന് ആസൂത്രണം ചെയ്ത നാടകമാണെന്ന് ബിജെപി നേതാവ് ദേവൻ ആരോപിച്ചു (BJP Leader Devan on ED Raid Attack).

ഈ അക്രമത്തിലൂടെ കടുത്ത നെഗറ്റീവ് ഇംപാക്‌ട് ആണ് ഇരു സംഘടനകള്‍ക്കും ഉണ്ടാകാൻ പോകുന്നതെന്നും അദ്ദേഹം മാധ്യമങ്ങളോട് പ്രതികരിച്ചു. മുൻ മുഖ്യമന്ത്രി കൂടിയായ പിണറായി വിജയൻ വലിയൊരു നിയമപ്രതിസന്ധിയിലേക്ക് നീങ്ങിക്കൊണ്ടിരിക്കുകയാണെന്നും, അദ്ദേഹത്തെ കൂടുതല്‍ അപകടത്തിലേക്ക് എത്തിക്കാൻ വേണ്ടിയാണ് സ്വന്തം പാർട്ടിയും പോഷക സംഘടനയും ചേർന്ന് ഇത്തരമൊരു നീക്കം നടത്തിയതെന്ന് തനിക്ക് തോന്നുന്നതായും ദേവൻ പറഞ്ഞു. നിലവില്‍ പാർട്ടി കമ്മിറ്റികളില്‍ പിണറായി വിജയനെ ഒറ്റപ്പെടുത്താനുള്ള ശ്രമങ്ങള്‍ പ്രകടമാണെന്നും, അദ്ദേഹം പ്രതിപക്ഷ നേതാവ് സ്ഥാനത്ത് തുടരാതിരിക്കാൻ സിപിഐഎമ്മും ഡിവൈഎഫ്‌ഐയും ഒത്തുകളിച്ച്‌ ഉണ്ടാക്കിയ സൂത്രമാണിതെന്നും അദ്ദേഹം കൂട്ടിച്ചേർത്തു.

അതേസമയം, തിരുവനന്തപുരത്ത് ഇഡി ഉദ്യോഗസ്ഥർ സഞ്ചരിച്ച വാഹനം തകർത്ത സംഭവത്തില്‍ ഖേദം പ്രകടിപ്പിച്ച്‌ സിപിഐഎം തിരുവനന്തപുരം ആക്ടിങ് ജില്ലാ സെക്രട്ടറി എ.എ. റഹീം എംപി രംഗത്തെത്തി. അക്രമത്തില്‍ കേടുപാടുകള്‍ സംഭവിച്ച കാറിന്റെ ഉടമയ്ക്ക് നഷ്ടപരിഹാരം നല്‍കാൻ പാർട്ടിക്ക് ധാർമ്മികമായ ഉത്തരവാദിത്തമുണ്ടെന്ന് അദ്ദേഹം വ്യക്തമാക്കി. സംഭവത്തിന് പിന്നാലെ കാർ ഡ്രൈവർ ശ്യാമുമായി പാർട്ടി നേതാക്കള്‍ നേരിട്ട് സംസാരിച്ച്‌ കാര്യങ്ങള്‍ ബോധ്യപ്പെടുത്തിയിട്ടുണ്ടെന്നും എ.എ. റഹീം മാധ്യമങ്ങളെ അറിയിച്ചു.

Summary: BJP leader Devan alleged that the attack on ED officials following a raid at opposition leader Pinarayi Vijayan’s residence was a political drama orchestrated by the CPIM and DYFI. He claimed that internal party factions are trying to isolate the former Chief Minister to remove him from the opposition leader post. Meanwhile, CPIM Thiruvananthapuram acting district secretary AA Rahim MP expressed regret over the vehicle damage and assured financial compensation to the car driver.