പ്രധാനമന്ത്രി നരേന്ദ്ര മോദി നേരിട്ടെത്തിയാണ് ജാപ്പനീസ് പ്രധാനമന്ത്രിയെ സ്വാഗതം ചെയ്തത്. തക്കായ്ച്ചിയുടെ പ്രഥമ ഇന്ത്യാ സന്ദർശനമാണിത്.(Japanese Prime Minister Sanae Takaichi Receives Ceremonial Welcome In New Delhi)

മൂന്നുദിവസത്തെ സന്ദർശനത്തിന്റെ ഭാഗമായി ഇരുരാജ്യങ്ങളും തമ്മിലുള്ള ഉഭയകക്ഷി ചർച്ചകളും 16-ാമത് ഇന്ത്യ-ജപ്പാൻ വാർഷിക ഉച്ചകോടിയും നടക്കും. ഇന്ത്യയും ജപ്പാനും തമ്മിലുള്ള ‘സ്പെഷ്യല്‍ സ്ട്രാറ്റജിക് ആൻഡ് ഗ്ലോബല്‍ പാർട്ണർഷിപ്പ്’ കൂടുതല്‍ ശക്തിപ്പെടുത്തുകയാണ് സന്ദർശനത്തിന്റെ പ്രധാന ലക്ഷ്യം.

സാമ്പത്തിക സുരക്ഷ, പ്രതിരോധം, സമുദ്ര സുരക്ഷ, സെമികണ്ടക്ടർ സഹകരണം, ക്ലീൻ എനർജി, അത്യാധുനിക സാങ്കേതികവിദ്യകള്‍ തുടങ്ങിയ മേഖലകളില്‍ സഹകരണം വ്യാപിപ്പിക്കുന്നതിനായിരിക്കും ഉച്ചകോടി ഊന്നല്‍ നല്‍കുക. കൂടാതെ, ഇന്തോ-പസഫിക് മേഖലയിലെ ഭൗമരാഷ്ട്രീയ സാഹചര്യങ്ങളും ചർച്ചയാകും. സന്ദർശനത്തിനിടെ ഇരുരാജ്യങ്ങളും തമ്മില്‍ വലിയ സാമ്പത്തിക കരാറുകള്‍ക്ക് വഴിയൊരുങ്ങുമെന്നാണ് സൂചന.

ജപ്പാനിലെ സ്വകാര്യ കമ്പനികള്‍ ഏകദേശം 12.5 ബില്യണ്‍ ഡോളർ മൂല്യമുള്ള 120-ഓളം സഹകരണ കരാറുകളില്‍ ഒപ്പുവെച്ചേക്കും. ഇന്ത്യയിലെ സാമ്പത്തിക വളർച്ചയിലുള്ള ജപ്പാന്റെ വിശ്വാസമാണ് ഈ വൻ നിക്ഷേപ വാഗ്ദാനങ്ങള്‍ സൂചിപ്പിക്കുന്നത്. ഇന്ത്യാ-ജപ്പാൻ ഇക്കണോമിക് ഫോറത്തില്‍ 150-ല്‍ അധികം കമ്പനികള്‍ പങ്കെടുക്കുന്നുണ്ട്. സർക്കാർ തലത്തിലുള്ള സഹകരണത്തിനൊപ്പം വാണിജ്യ രംഗത്തെ ബന്ധങ്ങള്‍ കൂടി ദൃഢമാക്കാനാണ് ഇരുരാജ്യങ്ങളും ലക്ഷ്യമിടുന്നത്.

Story Summary

Japanese Prime Minister Sanae Takaichi received a ceremonial welcome at Rashtrapati Bhavan on Thursday as she commenced her three-day visit to India. During the 16th India-Japan Annual Summit, the two nations are set to discuss critical areas such as economic security, semiconductor collaboration, and defense, with private firms expected to announce agreements worth $12.5 billion.