നാട്ടിക കോണ്‍ഗ്രസ് വൈസ് പ്രസിഡന്റ് ഫിറോസ് ആണ് പ്രതാപനെതിരെ പരസ്യമായി രംഗത്തുവന്നത്. (Riot in Congress, Leader publicly comes out against TN Prathapan)

സിപിഎം ഓഫീസില്‍ വിളിച്ചുചേർത്ത വാർത്താ സമ്മേളനത്തിലാണ് അദ്ദേഹം ഈ ആരോപണങ്ങള്‍ ഉന്നയിച്ചത് എന്നത് രാഷ്ട്രീയ വൃത്തങ്ങളെ ഞെട്ടിച്ചിട്ടുണ്ട്. വാടാനപ്പള്ളിയില്‍ കഴിഞ്ഞ ദിവസം ഉണ്ടായ ‘കിറ്റ് വിവാദം’ ടി.എൻ. പ്രതാപനും ബിജെപിയും ചേർന്ന് ആസൂത്രണം ചെയ്ത വെറും ഒത്തുകളിയാണെന്ന് ഫിറോസ് ആരോപിച്ചു.

വിഷയത്തില്‍ രഹസ്യ ധാരണയുണ്ടെന്നും അദ്ദേഹം പറഞ്ഞു. പരസ്പരം സഹായിക്കുമെന്നാണ് ഈ ‘ഡീല്‍’ എന്ന് ഫിറോസ് വെളിപ്പെടുത്തി. സ്വന്തം പാർട്ടി ഭാരവാഹി തന്നെ സിപിഎം ഓഫീസിലെത്തി സ്ഥാനാർത്ഥിക്കെതിരെ ഇത്തരമൊരു ആരോപണം ഉന്നയിച്ചത് യുഡിഎഫ് ക്യാമ്പിനെ പ്രതിരോധത്തിലാക്കിയിട്ടുണ്ട്.