എല്‍ഡിഎഫ് സ്ഥാനാർത്ഥി കെ.കെ. ശൈലജയുടെ കൈപിടിച്ചുയർത്തി അണികളെ അഭിവാദ്യം ചെയ്ത മുഖ്യമന്ത്രി, മണ്ഡലം തിരിച്ചുപിടിക്കുമെന്ന ഉറച്ച വിശ്വാസം പ്രകടിപ്പിച്ചു.(LDF led Kerala forward, Chief Minister raises KK Shailaja’s hand)

സിറ്റിംഗ് എംഎല്‍എയും കെപിസിസി പ്രസിഡന്റുമായ സണ്ണി ജോസഫാണ് ഇവിടെ യുഡിഎഫ് സ്ഥാനാർത്ഥി. കഴിഞ്ഞ തവണ മൂവായിരത്തിലധികം വോട്ടുകള്‍ക്കാണ് അദ്ദേഹം വിജയിച്ചത്. മട്ടന്നൂർ എന്ന സുരക്ഷിത മണ്ഡലം വിട്ട് പേരാവൂർ പിടിച്ചെടുക്കുക എന്ന ദൗത്യവുമായാണ് ശൈലജ ഇത്തവണ മത്സരരംഗത്തുള്ളത്.

കഴിഞ്ഞ 10 വർഷത്തിനിടെ കേരളം കൈവരിച്ച സമഗ്ര വളർച്ച വോട്ടർമാർ വിലയിരുത്തണമെന്ന് മുഖ്യമന്ത്രി പറഞ്ഞു. എല്‍ഡിഎഫ് നാടിനെ മുന്നോട്ട് നയിച്ചപ്പോള്‍ യുഡിഎഫ് വികസനത്തെ പിന്നോട്ടടിക്കാനാണ് ശ്രമിച്ചതെന്ന് അദ്ദേഹം ആരോപിച്ചു. നാടിന് തുടർഭരണം നല്‍കിയ തീരുമാനം ശരിയായിരുന്നോ എന്ന് ജനങ്ങള്‍ ചിന്തിക്കേണ്ട സമയമാണിതെന്നും അദ്ദേഹം കൂട്ടിച്ചേർത്തു.