രാജ്യത്തിനുള്ളില്‍ തന്നെ ഈ നീക്കത്തിന് ശക്തമായ പിന്തുണ ഉയർന്നുവരുന്ന സാഹചര്യത്തില്‍, സഖ്യത്തിന്റെ ഭാഗമാകാൻ ബംഗ്ലാദേശിന് ഔദ്യോഗിക ക്ഷണ ലഭിച്ചതായാണ് സൂചനകള്‍.(Bangladesh Mecca Pact, Bangladesh Mulls Joining Mecca Defence Pact)

ജിദ്ദയില്‍ നടന്ന 23-ാമത് ഒ.ഐ.സി വിദേശകാര്യ മന്ത്രിമാരുടെ അടിയന്തര യോഗത്തിനിടെ, ബംഗ്ലാദേശ് വിദേശകാര്യ സഹമന്ത്രി ഹുമയൂണ്‍ കബീർ സൗദി വിദേശകാര്യ മന്ത്രി ഫൈസല്‍ ബിൻ ഫർഹാൻ അല്‍ സൗദുമായി കൂടിക്കാഴ്ച നടത്തി. തരീഖ് റഹ്മാന്റെ നേതൃത്വത്തിലുള്ള പുതിയ മന്ത്രിസഭയില്‍ അംഗമായ ഹുമയൂണ്‍ കബീർ, ബംഗ്ലാദേശ് പ്രധാനമന്ത്രിയുടെ പ്രത്യേക കത്ത് സൗദി കിരീടാവകാശി മുഹമ്മദ് ബിൻ സല്‍മാനായി കൈമാറി. ഉഭയകക്ഷി സഹകരണം കൂടുതല്‍ മേഖലകളിലേക്ക് വ്യാപിപ്പിക്കാൻ ഇരുരാജ്യങ്ങളും തീരുമാനിച്ചു. ഈ കൂടിക്കാഴ്ചയിലാണ് മക്ക പാക്ടില്‍ ബംഗ്ലാദേശ് ചേരുന്ന വിഷയവും ചർച്ചയായതെന്ന് വിദേശകാര്യ മന്ത്രാലയ വൃത്തങ്ങളെ ഉദ്ധരിച്ച്‌ റിപ്പോർട്ട് ചെയ്തു.

മക്ക പാക്ടില്‍ ചേരുന്നത് ബംഗ്ലാദേശിന്റെ പരമാധികാരവും ആഭ്യന്തരവുമായ തീരുമാനമാണെന്നും, അതില്‍ മറ്റാർക്കും ആശങ്കപ്പെടേണ്ടതില്ലെന്നും ബംഗ്ലാദേശിലെ തീവ്ര ഇസ്ലാമിക സംഘടനയായ ജമാഅത്തെ ഇസ്ലാമിയുടെ തലവൻ ഡോ. ഷഫീഖുർ റഹ്മാൻ എക്സില്‍ കുറിച്ചു. അതേസമയം, ജിദ്ദയില്‍ വെച്ച്‌ തുർക്കി ഡെപ്യൂട്ടി വിദേശകാര്യ മന്ത്രി മൂസ കുലാക്ലികായയുമായും ഹുമയൂണ്‍ കബീർ ചർച്ച നടത്തി. സാമ്പത്തിക, പ്രതിരോധ മേഖലകളിലെ സഹകരണം കൂടുതല്‍ കരുത്തുറ്റതാക്കാൻ ഇരുരാജ്യങ്ങളും ധാരണയായി. വരാനിരിക്കുന്ന സി ഒ പി ഉച്ചകോടിയില്‍ പങ്കെടുക്കാൻ പ്രധാനമന്ത്രി തരീഖ് റഹ്മാൻ തുർക്കി സന്ദർശിക്കുമെന്നും അദ്ദേഹം അറിയിച്ചു.

2026 ഓഗസ്റ്റ് 7-നാണ് സൗദി അറേബ്യ, തുർക്കി, പാകിസ്താൻ എന്നീ രാജ്യങ്ങള്‍ ചേർന്ന് മക്ക പ്രതിരോധ കരാറില്‍ ഒപ്പുവെച്ചത്. ഒരു അംഗരാജ്യത്തിന് നേരെ ഉണ്ടാകുന്ന സൈനിക ആക്രമണം മൂന്ന് രാജ്യങ്ങള്‍ക്കും നേരെയുള്ള ആക്രമണമായി കണക്കാക്കുമെന്നാണ് ഈ മൂന്നുരാഷ്ട്ര സഖ്യത്തിന്റെ പ്രധാന വ്യവസ്ഥ. തുർക്കിയും പാകിസ്താനും ഇന്ത്യയോട് നിരന്തരം ശത്രുതാപരമായ നിലപാട് സ്വീകരിക്കുന്ന സാഹചര്യത്തില്‍, ബംഗ്ലാദേശ് ഈ സഖ്യത്തിലേക്ക് അടുക്കുന്നത് ഇന്ത്യക്ക് വൻ സുരക്ഷാ ഭീഷണിയാണ് ഉയർത്തുന്നത്. കൂടാതെ, “ഇന്ത്യയുമല്ല, പാകിസ്താനുമല്ല; ബംഗ്ലാദേശാണ് പ്രധാനം” എന്ന ബംഗ്ലാദേശ് പ്രധാനമന്ത്രി തരീഖ് റഹ്മാന്റെ വിദേശനയത്തിന് വിരുദ്ധമായി പാകിസ്താനോട് അടുക്കുന്ന നയമായാണ് നയതന്ത്ര വിദഗ്ധർ ഈ നീക്കത്തെ വിലയിരുത്തുന്നത്.

Story Summary

Bangladesh is considering joining the newly formed Mecca Joint Defence Agreement between Saudi Arabia, Turkiye, and Pakistan following an invitation during a high-level meeting in Jeddah. This potential alignment has heightened India’s regional security concerns, as it signals a major shift toward Pakistan-backed strategic alliances.