പ്രസിഡന്റ് ഡൊണാള്‍ഡ് ട്രംപ്. അഭിമുഖത്തിലാണ് ട്രംപ് ഈ പ്രസ്താവന നടത്തിയത്. ഫെബ്രുവരിയില്‍ നടന്ന യു.എസ്-ഇസ്രായേല്‍ സംയുക്ത വ്യോമാക്രമണത്തില്‍ പിതാവ് ആയത്തുള്ള അലി ഖമേനി കൊല്ലപ്പെട്ടതിനെത്തുടർന്നാണ് മുജ്തബ ഖമേനി അധികാരമേറ്റത്.(Donald Trump Says Iranian Supreme Leader Mojtaba Khamenei Alive But Seriously Wounded)

എന്നാല്‍ ഇതിനുശേഷം കഴിഞ്ഞ ആറുമാസമായി അദ്ദേഹം പൊതുവേദികളിലോ ചിത്രങ്ങളിലോ പ്രത്യക്ഷപ്പെടാത്തത് ഖമേനി മരിച്ചുവെന്ന തരത്തിലുള്ള ശക്തമായ അഭ്യൂഹങ്ങള്‍ക്ക് വഴിവെച്ചിരുന്നു. “അദ്ദേഹം മരിച്ചുവെന്ന് ഞാൻ കരുതുന്നില്ല. എന്നാല്‍ അദ്ദേഹത്തിന് വളരെ ഗുരുതരമായി പരിക്കേറ്റിട്ടുണ്ട്. ശരീരത്തിന്റെ ഇടതുഭാഗം, കൈ, കാല്‍ എന്നിവയ്‌ക്കെല്ലാം ഗുരുതരമായി പരിക്കേറ്റിട്ടുണ്ട്. ഇനി അദ്ദേഹം ജീവിച്ചിരിപ്പില്ലെങ്കില്‍, ഇറാൻ ലോകത്തിന് മുന്നില്‍ വലിയൊരു ‘നാടകം’ കളിക്കുകയാണ്.” ഇറാനെതിരെയുള്ള സൈനിക-സാമ്പത്തിക ഉപരോധങ്ങള്‍ വലിയ വിജയത്തിലേക്ക് നീങ്ങുകയാണെന്നും ഹോർമുസ് കടലിടുക്ക് ഇപ്പോള്‍ സുരക്ഷിതമാണെന്നും ട്രംപ് കൂട്ടിച്ചേർത്തു.

അതേസമയം, കഴിഞ്ഞ ദിവസം ഇറാന്റെ ഫാർസ് ന്യൂസ് ഏജൻസി മുജ്തബ ഖമേനിയുടെ അപൂർവ്വമായൊരു വീഡിയോ ദൃശ്യം പുറത്തുവിട്ടിരുന്നുവെങ്കിലും അതിന്റെ ആധികാരികത സ്ഥിരീകരിക്കപ്പെട്ടിട്ടില്ല. ജൂലൈയില്‍ നടന്ന പിതാവിന്റെ സംസ്‌കാര ചടങ്ങുകളില്‍ സഹോദരങ്ങള്‍ പങ്കെടുത്തിട്ടും മുജ്തബ വിട്ടുനിന്നത് ദുരൂഹത വർദ്ധിപ്പിച്ചിരുന്നു. നിലവില്‍ ദുരന്തമേഖലയിലെ ആക്രമണത്തില്‍ പരിക്കേറ്റ് മുജ്തബ ഒളിവില്‍ കഴിയുകയാണെന്നാണ് കരുതപ്പെടുന്നത്.

Story Summary

US President Donald Trump stated in an interview that Iranian Supreme Leader Mojtaba Khamenei is alive but severely injured, dismissing rumors of his death following his absence from public view over the past six months.