കൊച്ചി: മുൻ പൊതുമരാമത്ത് വകുപ്പ് മന്ത്രിയും കേരള കോണ്ഗ്രസ് നേതാവുമായ ടി.യു. കുരുവിള (90) അന്തരിച്ചു (TU Kuruvilla Passes Away).
വാർദ്ധക്യസഹജമായ അസുഖങ്ങളെ തുടർന്ന് കൊച്ചിയിലെ ആസ്റ്റർ മെഡിസിറ്റിയില് ചികിത്സയിലായിരുന്നു. ഇന്ന് (മേയ് 29) രാത്രി 9:12 ഓടെയായിരുന്നു അന്ത്യം.
വി.എസ്. അച്യുതാനന്ദൻ മന്ത്രിസഭയില് പൊതുമരാമത്ത് വകുപ്പ് മന്ത്രിയായി അദ്ദേഹം സേവനമനുഷ്ഠിച്ചിട്ടുണ്ട്. കേരള കോണ്ഗ്രസ് (ജോസഫ്) വിഭാഗത്തിന്റെ സമുന്നത നേതാവായിരുന്ന അദ്ദേഹം കോതമംഗലത്തുനിന്ന് രണ്ടുതവണ നിയമസഭയിലേക്ക് തിരഞ്ഞെടുക്കപ്പെട്ടു . കോതമംഗലം ഊഞ്ഞാപ്പാറ സ്വദേശിയാണ്.
സിവില് എഞ്ചിനീയറിംഗില് ഡിപ്ലോമ നേടിയ ടി.യു. കുരുവിള, കാർഷിക രംഗത്തുനിന്നാണ് പൊതുരംഗത്തേക്കും കേരള കോണ്ഗ്രസ് രാഷ്ട്രീയത്തിലേക്കും സജീവമായി കടന്നുവരുന്നത്. പഠനകാലം മുതല്ക്കേ പാർട്ടിയില് സജീവമായിരുന്ന അദ്ദേഹം പിന്നീട് കേരള കോണ്ഗ്രസിന്റെ ഡെപ്യൂട്ടി ചെയർമാൻ പദവിയിലടക്കം എത്തി.
അദ്ദേഹത്തിന്റെ ഭൗതികശരീരം നാളെ രാവിലെ സ്വദേശമായ കോതമംഗലത്തേക്ക് കൊണ്ടുപോകും. പൊതുദർശനം ഉള്പ്പെടെയുള്ള സംസ്കാര ചടങ്ങുകളുടെ വിവരങ്ങള് പിന്നീട് പ്രഖ്യാപിക്കും.
Short Story Summary :Former Kerala Public Works Department (PWD) Minister and senior Kerala Congress leader T.U. Kuruvilla passed away at the age of 90 at Aster Medcity Hospital in Kochi due to age-related ailments. He represented the Kothamangalam constituency twice as an MLA and served as a minister in the V.S. Achuthanandan-led LDF cabinet. .