യുവസംരംഭകനായ അഖില്‍ മഹേഷ് ആണ് വരൻ. അടുത്ത ബന്ധുക്കളും ചലച്ചിത്ര മേഖലയിലെ പ്രമുഖരും മാത്രം പങ്കെടുത്ത ചടങ്ങ് കൊച്ചിയിലെ പ്രമുഖ ആഡംബര ഹോട്ടലിലാണ് സംഘടിപ്പിച്ചത്.

മലയാള സിനിമയിലെ പ്രമുഖ താരങ്ങളുടെയും സംവിധായകരുടെയും വലിയൊരു നിര തന്നെ ആശ ശരത്തിന്റെ മകളുടെ മംഗളകർമ്മത്തിന് സാക്ഷ്യം വഹിക്കാൻ നേരിട്ടെത്തിയിരുന്നു. സൂപ്പർ താരം സുരേഷ് ഗോപി, ഭാര്യ രാധിക, ജനപ്രിയ നടൻ ദിലീപ്, നടൻ സിദ്ദീഖ്, നിർമ്മാതാവ് ആന്റണി പെരുമ്പാവൂർ, നടൻ ജയറാം, മകള്‍ മാളവിക ജയറാം, നടനും സംവിധായകനുമായ ലാല്‍, പ്രശസ്ത സംവിധായകൻ ജീത്തു ജോസഫ് തുടങ്ങി നിരവധി പേർ ചടങ്ങില്‍ പങ്കെടുത്തു നവദമ്പതികള്‍ക്ക് ആശംസകള്‍ നേർന്നു. സിനിമാ ലോകത്തെ ഈ വലിയ താരസംഗമത്തിന്റെ ചിത്രങ്ങളും വീഡിയോകളും ഇതിനോടകം തന്നെ സോഷ്യല്‍ മീഡിയയില്‍ വൈറലായിക്കഴിഞ്ഞു.

ആശ ശരത് – ശരത് ദമ്പതികളുടെ രണ്ടാമത്തെ മകളായ കീർത്തനയെ അടുത്ത സുഹൃത്തുക്കളും ബന്ധുക്കളും സ്നേഹത്തോടെ ‘അമ്മു’ എന്നാണ് വിളിക്കുന്നത്. പഠനരംഗത്ത് ഏറെ മികവ് പുലർത്തിയ കീർത്തന കാനഡയിലെ പ്രശസ്തമായ വെസ്റ്റേണ്‍ സർവകലാശാലയില്‍ (Western University) നിന്നും ഉയർന്ന മാർക്കോടെയാണ് ‘സിന്തറ്റിക് ബയോളജി’യില്‍ (Synthetic Biology) ബിരുദം പൂർത്തിയാക്കിയത്.

ആശ ശരത്തിന്റെ മൂത്ത മകളായ ഉത്തരയുടെ വിവാഹം 2023-ല്‍ ഏറെ വാർത്താപ്രാധാന്യത്തോടെ നടന്നിരുന്നു. അമ്മ ആശ ശരത്തിനൊപ്പം നിരവധി പ്രമുഖ നൃത്തവേദികളില്‍ ഭരതനാട്യം അവതരിപ്പിച്ചു ശ്രദ്ധേയയായ കലാകാരി കൂടിയാണ് ഉത്തര. കൂടാതെ 2021-ലെ മിസ് കേരള (Miss Kerala 2021) മത്സരത്തില്‍ ഫസ്റ്റ് റണ്ണർഅപ്പ് കൂടിയായിരുന്നു. ബിസിനസ് അനലിറ്റിക്‌സില്‍ ബിരുദാനന്തര ബിരുദം നേടിയ ഉത്തര നിലവില്‍ കോർപ്പറേറ്റ് മേഖലയില്‍ ജോലി ചെയ്യുകയാണ്. ഇളയ മകളുടെ കൂടി വിവാഹനിശ്ചയം കഴിഞ്ഞതോടെ വലിയ സന്തോഷത്തിലാണ് ആശ ശരത്തും കുടുംബവും.

Story Summary: Actress Asha Sharath’s younger daughter, Keerthana, got engaged to Akhil Mahesh in a star-studded ceremony held in Kochi. Renowned film personalities including Suresh Gopi, Dileep, Jayaram, and Jeethu Joseph attended the event to bless the couple.