ഹിമപാളികളുടെ പെട്ടെന്നുള്ള തകർച്ചയും അതിനെത്തുടർന്നുണ്ടായ മണ്ണും കല്ലും നിറഞ്ഞ കൂറ്റൻ പ്രവാഹവുമാണ് ദുരന്തത്തിന് കാരണമായതെന്ന് ഭൗമശാസ്ത്രജ്ഞർ അറിയിച്ചു.(Nepal Flash Floods, USGS Confirms Glacial Collapse Triggered Nepal Flash Floods Not Earthquake)

നേപ്പാള്‍-ചൈന അതിർത്തിയില്‍ ബുധനാഴ്ച പ്രാദേശിക സമയം രാവിലെ 8:37-നാണ് ഈ പ്രതിഭാസം ഉണ്ടായത്. തുടക്കത്തില്‍ ഇതിന്റെ ആഘാതം 4.4 തീവ്രത രേഖപ്പെടുത്തിയ ഭൂചലനമായാണ് കണക്കാക്കിയിരുന്നതെങ്കിലും, പിന്നീട് നടത്തിയ വിദഗ്ധ പരിശോധനയില്‍ 5.2 തീവ്രത രേഖപ്പെടുത്തിയ ഭൗമ തരംഗങ്ങള്‍ ഹിമപാളി നിലംപതിച്ചതു മൂലം ഉണ്ടായതാണെന്ന് സ്ഥിരീകരിക്കുകയായിരുന്നു. നേപ്പാളില്‍ പ്രളയത്തിലും മണ്ണിടിച്ചിലിലും ഇതുവരെ 160-ലധികം ആളുകള്‍ മരണപ്പെട്ടു.

അതിർത്തിക്ക് ഇരുവശത്തുമായി നൂറുകണക്കിന് ആളുകളെ കാണാതായിട്ടുണ്ട്. മുൻപ് ഭൂചലനമാണ് മണ്ണിടിച്ചിലിനും നദിയിലെ വെള്ളപ്പൊക്കത്തിനും കാരണമായതെന്നായിരുന്നു നേപ്പാള്‍ വിദേശകാര്യമന്ത്രി ഷിസിർ ഖനാല അടക്കമുള്ള അധികൃതർ സംശയിച്ചിരുന്നത്. എന്നാല്‍ അത്തരം ഒരു ഭൗമചലനവും പ്രദേശത്തുണ്ടായിട്ടില്ലെന്നും ഭീമൻ ഹിമപാളി ഇടിഞ്ഞുവീണ് പ്രളയജലമായി ഇരച്ചെത്തുകയായിരുന്നുവെന്നും യു.എസ്.ജി.എസ് സ്ഥിരീകരിച്ചു.

Story Summary

The US Geological Survey confirmed that the catastrophic Nepal flash floods were caused by a massive glacial collapse and debris flow, not an earthquake. The disaster has claimed over 160 lives with hundreds missing across the Nepal-Tibet border.