സതീശൻ വ്യക്തമാക്കി. ലോക ക്ഷീര ദിനാഘോഷങ്ങളുമായി ബന്ധപ്പെട്ട് സംസാരിക്കവെയാണ്, തന്റെ കുടുംബ പശ്ചാത്തലവും ക്ഷീരമേഖലയോടുള്ള ആഭിമുഖ്യവും മുഖ്യമന്ത്രി തുറന്നുപറഞ്ഞത് (CM VD Satheesan Milk Price Hike Support). തന്റെ അമ്മ ഒരു ക്ഷീര കർഷകയായിരുന്നുവെന്നും അതുകൊണ്ടുതന്നെ പശുവിനെ കുളിപ്പിച്ചും പുല്ലുവെട്ടിയും തനിക്കും ഈ മേഖലയില്‍ പ്രായോഗിക പരിചയമുണ്ടെന്നും അദ്ദേഹം ഓർമ്മിപ്പിച്ചു.

മുൻപ് നിയമസഭയില്‍ ക്ഷീര കർഷകരുടെ ശക്തനായ വക്താവായാണ് താൻ അറിയപ്പെട്ടിരുന്നതെന്നും, തൊഴിലുറപ്പ് തൊഴിലാളികള്‍ പുല്ലുചെത്തിക്കളയുന്നത് കാണുമ്പോള്‍ പുല്ല് പശുക്കള്‍ക്കുള്ളതാണെന്ന ബോധ്യത്തില്‍ തനിക്ക് ദേഷ്യം വരുമായിരുന്നുവെന്നും മുഖ്യമന്ത്രി പങ്കുവെച്ചു. പ്രതിപക്ഷത്തിരുന്നപ്പോഴും ഇപ്പോഴും പാലിന്റെ വില വർധിപ്പിക്കുന്നതിനെ തങ്ങള്‍ എതിർക്കാറില്ലെന്നും എന്നാല്‍ ഇപ്പോള്‍ വില കൂട്ടിയതിന്റെ പഴി മുഴുവൻ തന്റെ തലയിലാണ് വന്നിരിക്കുന്നതെന്നും അദ്ദേഹം കൂട്ടിച്ചേർത്തു. സത്യത്തില്‍ ക്ഷീരവികസന വകുപ്പ് കൈകാര്യം ചെയ്യാൻ തനിക്ക് വ്യക്തിപരമായി താല്പര്യമുണ്ടായിരുന്നുവെന്നും എന്നാല്‍ മന്ത്രി ബിന്ദു കൃഷ്ണയായതുകൊണ്ടാണ് ആ വകുപ്പ് വിട്ടുകൊടുത്തതെന്നും അദ്ദേഹം വെളിപ്പെടുത്തി. സംസ്ഥാനത്ത് ഒരു കോടി ലീറ്റർ പാല്‍ ഉല്‍പ്പാദിപ്പിക്കുകയാണ് ലക്ഷ്യമെന്നും ഇതിന്റെ പുരോഗതി എല്ലാ മാസവും താൻ നേരിട്ട് പരിശോധിക്കുമെന്നും മുഖ്യമന്ത്രി പ്രഖ്യാപിച്ചു.

പാലിന്റെ ഗുണനിലവാര കാര്യത്തില്‍ യാതൊരുവിധ വിട്ടുവീഴ്ചയും അരുതെന്നും കാലിത്തീറ്റയുടെ വിലക്കയറ്റത്തില്‍ സർക്കാർ അടിയന്തരമായി ഇടപെടണമെന്നും മുഖ്യമന്ത്രി ആവശ്യപ്പെട്ടു. വരും ദിവസങ്ങളില്‍ ക്ഷീരവികസന വകുപ്പിന് പ്രത്യേക പരിഗണന നല്‍കുമെന്നും സംസ്ഥാനത്ത് തീറ്റപ്പുല്ല് കൃഷി വ്യാപകമാക്കുമെന്നും അദ്ദേഹം ഉറപ്പുനല്‍കി. പാലിന്റെ വില കൂട്ടുമ്പോള്‍ തന്നെ കാലിത്തീറ്റയുടെ വിലയും വർധിക്കുന്നതിനാല്‍ കർഷകർക്ക് യഥാർത്ഥത്തില്‍ ലഭിക്കേണ്ട പ്രയോജനം നഷ്ടപ്പെടുകയാണെന്നും ഈ സാഹചര്യത്തിന് മാറ്റം വരണമെന്നും അദ്ദേഹം ചൂണ്ടിക്കാണിച്ചു. ക്ഷീര കർഷകരുടെ കഠിനാധ്വാനത്തെ പൂർണ്ണമായി മാനിച്ചുകൊണ്ടാണ് ഈ വിലവർധനവിനെ പിന്തുണയ്ക്കുന്നതെന്നും മുഖ്യമന്ത്രി കൂട്ടിച്ചേർത്തു.

അതേസമയം, എസ്‌എൻഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെ സന്ദർശിച്ചതുമായി ബന്ധപ്പെട്ട മാധ്യമങ്ങളുടെ ചോദ്യങ്ങളോട് പ്രതികരിക്കാൻ ചടങ്ങില്‍ പങ്കെടുത്ത മന്ത്രി ബിന്ദു കൃഷ്ണ തയ്യാറായില്ല. വിവാദങ്ങളിലേക്ക് കടക്കാതെ ഏവർക്കും ലോക ക്ഷീര ദിനാശംസകള്‍ നേർന്നുകൊണ്ട് മന്ത്രി ചോദ്യങ്ങളില്‍ നിന്ന് ഒഴിഞ്ഞുമാറുകയായിരുന്നു.

Summary: Chief Minister V.D. Satheesan announced that he will not oppose the hike in milk prices, highlighting his personal background in a dairy farming family. He emphasized the need for government intervention in cattle feed pricing to ensure that the financial benefits directly reach the farmers. Meanwhile, Dairy Development Minister Bindu Krishna evaded journalists’ questions regarding her recent meeting with Vellappally Natesan, limiting her response to Dairy Day wishes.