മലപ്പുറം ചീക്കോട് വെട്ടുപാറ റിയാ മൻസിലില്‍ നസീം – ഷഫീന ദമ്പതികളുടെ നാല് മക്കളായ ദില്‍ന ഫാത്തിമ, ദില്‍ഷ ഫാത്തിമ, മുഹമ്മദ് നജിം, മുഹമ്മദ് നാസിം എന്നിവരാണ് ഇന്ന് ചീക്കോട് കെ.കെ.എം.എച്ച്‌.എസ്. സ്കൂളില്‍ എട്ടാം ക്ലാസ്സിലേക്ക് ഒരുമിച്ച്‌ പ്രവേശനം നേടി എത്തിയത് ( Quadruplets Cheekode KKMHS Malappuram). ഒറ്റപ്രസവത്തില്‍ ജനിച്ച ഈ നാല് സഹോദരങ്ങളും ഒരേ വിദ്യാലയത്തില്‍ ഒരേ ക്ലാസ്സില്‍ തന്നെ ഒരുമിച്ചിരുന്ന് പഠിക്കാൻ എത്തി എന്നതുതന്നെയാണ് ഇത്തവണത്തെ പ്രവേശനോത്സവദിനത്തില്‍ നാട്ടുകാർക്കും അധ്യാപകർക്കും ഒരുപോലെ വേറിട്ട കാഴ്ച സമ്മാനിച്ചത്.

ചീക്കോട് സ്കൂളിന്റെ ദീർഘകാലത്തെ ചരിത്രത്തില്‍ ആദ്യമായിട്ടാണ് ഒരേ പ്രായത്തിലുള്ള, ഒരേ വീട്ടിലെ നാല് കുട്ടികള്‍ ഒരുമിച്ച്‌ ഒരേ ക്ലാസ്സിലേക്ക് പഠിക്കാനായി അഡ്മിഷൻ എടുക്കുന്നത്. സ്കൂള്‍ മുറ്റത്തേക്ക് ഒരുമിച്ച്‌ കൈകോർത്തുപിടിച്ച്‌ കടന്നുവന്ന ഈ കൊച്ചുമിടുക്കന്മാരെയും മിടുക്കികളെയും വൻ സ്വീകരണത്തോടെയാണ് വിദ്യാലയ അധികൃതരും പി.ടി.എ. കമ്മിറ്റിയും ചേർന്ന് വരവേറ്റത്. ഈ അപൂർവ്വ സഹോദരങ്ങളുടെ വരവ് സഹപാഠികള്‍ക്കിടയിലും വലിയ ആവേശമാണ് ഉണ്ടാക്കിയിരിക്കുന്നത്. പുതിയ അധ്യയന വർഷത്തില്‍ ഒരു ക്ലാസ്സിലെ ഒരേ ബെഞ്ചിലിരുന്ന് പഠിക്കാനും അറിവ് നേടാനുമുള്ള തയ്യാറെടുപ്പിലാണ് ഈ കൊച്ചുമിടുക്കർ.

Summary: In a rare and delightful event at Cheekode KKMHS in Malappuram, quadruplets took admission into the eighth grade within the exact same classroom. Dilna Fathima, Dilsha Fathima, Muhammed Najim, and Muhammed Nasim, the children of Naseem and Shafeena, created history for the school. The teachers and the Parent-Teacher Association warmly welcomed the four siblings as they started their new academic year together.