ഐപിഎല്‍ ചരിത്രത്തില്‍ ഒരു പ്രത്യേക ടീമിനെതിരെ ഏറ്റവും കൂടുതല്‍ റണ്‍സ് നേടുന്ന താരം എന്ന റെക്കോർഡാണ് കോഹ്‌ലി തന്റെ പേരില്‍ കുറിച്ചത്.(Virat Kohli surpasses Rohit Sharma, New record in IPL)

ബെംഗളൂരു എം. ചിന്നസ്വാമി സ്റ്റേഡിയത്തില്‍ നടന്ന മത്സരത്തില്‍ 28 റണ്‍സ് നേടിയതോടെയാണ് കോഹ്‌ലി ഈ നേട്ടത്തിലെത്തിയത്. ഇന്ത്യൻ നായകൻ രോഹിത് ശർമ്മയുടെ റെക്കോർഡാണ് കോഹ്‌ലി മറികടന്നത്. ചെന്നൈ സൂപ്പർ കിങ്‌സിനെതിരെ ഇതുവരെ 1,174 റണ്‍സ് ആണ് അദ്ദേഹം നേടിയത്. രോഹിത് ശർമ്മ കൊല്‍ക്കത്ത നൈറ്റ് റൈഡേഴ്‌സിനെതിരെ 1,161 റണ്‍സ് നേടി സൃഷ്‌ടിച്ച റെക്കോർഡാണിത്.

മത്സരം തുടങ്ങുമ്പോള്‍ രോഹിത്തിനെ മറികടക്കാൻ കോഹ്‌ലിക്ക് വെറും രണ്ട് റണ്‍സ് മാത്രമായിരുന്നു വേണ്ടിയിരുന്നത്. ആദ്യ ഓവറില്‍ തന്നെ അദ്ദേഹം ആ ലക്ഷ്യം മറികടന്നു. 18 പന്തില്‍ 28 റണ്‍സ് നേടിയ കോഹ്‌ലിയെ അൻഷുല്‍ കംബോജാണ് പുറത്താക്കിയത്. ടി20 ക്രിക്കറ്റില്‍ ഇത്തരം റെക്കോർഡുകള്‍ സ്വന്തമാക്കാൻ വർഷങ്ങളോളമുള്ള സ്ഥിരതയാർന്ന പ്രകടനം അത്യാവശ്യമാണ്. ചെന്നൈയ്‌ക്കെതിരെയുള്ള പോരാട്ടങ്ങളില്‍ എന്നും മികച്ച ഫോം നിലനിർത്താൻ കോഹ്‌ലിക്ക് സാധിച്ചിട്ടുണ്ട്. ചെന്നൈയ്‌ക്ക് പുറമെ പഞ്ചാബ് കിങ്‌സ്, ഡല്‍ഹി ക്യാപിറ്റല്‍സ്, കൊല്‍ക്കത്ത നൈറ്റ് റൈഡേഴ്‌സ് എന്നീ ടീമുകള്‍ക്കെതിരെയും കോഹ്‌ലി 1,000-ത്തിലധികം റണ്‍സ് ഐപിഎല്ലില്‍ നേടിയിട്ടുണ്ട്.