ഞായറാഴ്ച രാത്രിയാണ് സംഭവം നടന്നതെന്നാണ് പ്രാഥമിക നിഗമനം. നാല് എ.കെ-47 റൈഫിളുകള്‍, ആറ് പിസ്റ്റളുകള്‍, ഒരു ഇൻസാസ് (INSAS) റൈഫിള്‍ എന്നിവയാണ് മോഷണം പോയത്.(Secunderabad Cantonment, Weapons Stolen In Telangana)

മദ്രാസ് റെജിമെന്റിന്റെ വളപ്പിലെ ആയുധശേഖരണ മുറിയുടെ പൂട്ട് തകർത്താണ് കവർച്ച നടത്തിയിരിക്കുന്നത്. സൈനിക ഉദ്യോഗസ്ഥർക്കും പ്രത്യേക അനുമതിയുള്ള സിവിലിയൻ ജീവനക്കാർക്കും മാത്രമാണ് ഈ മേഖലയിലേക്ക് പ്രവേശനമുള്ളത്. സൈന്യത്തിലെ മുതിർന്ന ഉദ്യോഗസ്ഥർ നല്‍കിയ പരാതിയുടെ അടിസ്ഥാനത്തില്‍ ബൊല്ലാറം പോലീസ് കേസെടുത്ത് അന്വേഷണം ആരംഭിച്ചു.

സൈന്യത്തിനുള്ളില്‍ തന്നെയുള്ളവരുടെ സഹായത്തോടെയാണോ മോഷണം നടന്നതെന്ന സംശയത്തില്‍ സൈനിക കേന്ദ്രങ്ങള്‍ കേന്ദ്രീകരിച്ച്‌ ചോദ്യം ചെയ്യല്‍ പുരോഗമിക്കുകയാണ്. പ്രദേശം പൂർണ്ണമായും സീല്‍ ചെയ്ത സൈന്യവും മല്‍ക്കാജ്ഗിരി പോലീസും സി.സി.ടി.വി ദൃശ്യങ്ങള്‍ പരിശോധിച്ച്‌ വരികയാണ്.

Story Summary

Eleven weapons, including four AK-47 rifles, six pistols, and an INSAS rifle, were stolen from the high-security Madras Regiment premises at Secunderabad Cantonment in Telangana. Police and Army officials have launched a joint investigation following suspicions of an inside job.