ചെക്കാലമുക്ക് സ്വദേശി രാഹുല്‍. പി. അശോക് (38) ആണ് ശ്രീകാര്യം പൊലീസിന്റെ പിടിയിലായത്. സ്ഥാപനത്തിലെ ശുചിമുറിയിലെ വേസ്റ്റ് ബിന്നിനുള്ളില്‍ ഒളിക്യാമറയും പവർ ബാങ്കും ഒളിപ്പിച്ചു വെച്ചാണ് പ്രതി ദൃശ്യങ്ങള്‍ പകർത്താൻ ശ്രമിച്ചത്. മാർച്ച്‌ 13-നാണ് കേസിന് ആസ്പദമായ ഞെട്ടിക്കുന്ന സംഭവം നടന്നത്.

ശുചിമുറിയില്‍ കയറിയ യുവതി വേസ്റ്റ് ബിന്നിനുള്ളില്‍ അസ്വാഭാവികമായ രീതിയില്‍ ക്യാമറ ഇരിക്കുന്നത് ശ്രദ്ധിക്കുകയും തുടർന്ന് ശ്രീകാര്യം പൊലീസ് സ്റ്റേഷനില്‍ നേരിട്ടെത്തി പരാതി നല്‍കുകയുമായിരുന്നു. യുവതി പരാതി നല്‍കിയതോടെ ഒളിവില്‍ പോയ പ്രതി രാഹുല്‍, അറസ്റ്റ് ഒഴിവാക്കാനായി മുൻകൂർ ജാമ്യത്തിനായി കോടതിയെ സമീപിച്ചിരുന്നു.

എന്നാല്‍ പ്രതിയുടെ കുറ്റം അതീവ ഗുരുതരമാണെന്ന് വിലയിരുത്തിയ കോടതി മുൻകൂർ ജാമ്യാപേക്ഷ തള്ളുകയായിരുന്നു. ജാമ്യം നിഷേധിക്കപ്പെട്ടതോടെ ഒളിത്താവളത്തില്‍ നിന്നും മാറിയ പ്രതിയെ പൊലീസ് പിടികൂടുകയായിരുന്നു. അറസ്റ്റിലായ രാഹുലിനെ ചോദ്യം ചെയ്ത ശേഷം കോടതിയില്‍ ഹാജരാക്കി റിമാൻഡ് ചെയ്തു. പ്രതി ഇതിന് മുൻപും സമാനമായ രീതിയില്‍ ദൃശ്യങ്ങള്‍ പകർത്തിയിട്ടുണ്ടോ എന്നറിയാൻ ഇയാളുടെ ഡിജിറ്റല്‍ ഉപകരണങ്ങള്‍ പൊലീസ് വിശദമായ ശാസ്ത്രീയ പരിശോധനയ്ക്ക് വിധേയമാക്കും.

Story Summary: A 38-year-old printing shop owner named Rahul P. Ashok was arrested by Sreekaryam police for attempting to record a woman using a hidden camera inside the shop’s restroom. The incident took place on March 13, and the accused was remanded after the court denied his anticipatory bail.