വാഷിംഗ്ടണ്: ബീജം നിറച്ച സിറിഞ്ച് ഉപയോഗിച്ച് സ്ത്രീക്ക് നേരെ ആക്രമണം നടത്തിയ ആള് പിടിയില്. മേരിലാന്റ് ചര്ച്ച്ടണിലെ സൂപ്പര്മാര്ക്കറ്റില് വച്ചാണ് സംഭവം നടന്നത്. സൂപ്പര്മാര്ക്കറ്റിലെ സിസിടിവി ദൃശ്യങ്ങളില് നിന്ന് പൊലീസ് പ്രതിയെ തിരിച്ചറിഞ്ഞു. തുടര്ന്ന് പ്രതിയായ ബൈറോണ് സ്റ്റെമന് എന്നയാളെയാണ് പൊലീസ് പിടികൂടിയത്.
ഒരാഴ്ച മുന്പാണ് കേസിനാസ്പദമായ സംഭവം നടന്നത്., സൂപ്പര്മാര്ക്കറ്റിലെത്തിയ സ്ത്രീയെ പിന്തുടര്ന്ന പ്രതി സിറിഞ്ചുകൊണ്ട് കുത്തി പരിക്കേല്പ്പിക്കുകയായിരുന്നു ഇയാള്.
പ്രതിയുടെ വീട്ടില്നിന്നും കാറില്നിന്നും നിരവധി സിറിഞ്ചുകള് പൊലീസ് കണ്ടെടുത്തുവെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു. നേരത്തെയും സ്ത്രീകള്ക്ക് നേരെ ഇയാള് സമാനമായ ആക്രമണം നടത്തിയിരുന്നതായി പൊലീസിന് വ്യക്തമായി. എന്നാല് സ്ത്രീകള് ഇയാള്ക്കെതിരെ പരാതി നല്കാന് തയ്യാറായിട്ടില്ല.