കൊല്‍ക്കത്ത കാളിഘട്ടിലെ മമതയുടെ വസതിക്ക് പുറത്തുവെച്ചായിരുന്നു സംഭവം. റാലിയിലുണ്ടായ സംഘർഷത്തില്‍ പരിക്കേറ്റ പ്രവർത്തകരെ ആശുപത്രിയിലേക്ക് മാറ്റാൻ വാഹനം ക്രമീകരിക്കുന്നതിനിടെയാണ് നാടകീയ രംഗങ്ങള്‍ അരങ്ങേറിയത്.(Mamata Banerjee Slaps Party Worker Amid Heavy Clashes Post TMC Youth Rally In Kolkata)

വഴി തടസ്സപ്പെടുത്തി നിന്ന പ്രവർത്തകരോട് മാറിനില്‍ക്കാൻ മമത ദേഷ്യപ്പെടുന്നുണ്ടായിരുന്നു. ഇതിനിടയില്‍ തനിക്ക് ചുറ്റും സുരക്ഷാവലയം തീർക്കാൻ ശ്രമിച്ച പാർട്ടി പ്രവർത്തകന്റെ കരണത്തടിക്കുന്ന ദൃശ്യങ്ങളാണ് സോഷ്യല്‍ മീഡിയയില്‍ പ്രചരിക്കുന്നത്. സംഭവത്തില്‍ പാർട്ടി ഇതുവരെ ഔദ്യോഗിക പ്രതികരണം നടത്തിയിട്ടില്ല.

ബാരൂയിപൂരില്‍ പ്രായപൂർത്തിയാകാത്ത പെണ്‍കുട്ടി പീഡനത്തിനിരയായി കൊല്ലപ്പെട്ടതിനെതിരെ തൃണമൂല്‍ കോണ്‍ഗ്രസ് വിദ്യാർത്ഥി-യുവജന വിഭാഗങ്ങള്‍ നടത്തിയ മാർച്ചാണ് കൊല്‍ക്കത്തയില്‍ വലിയ സംഘർഷത്തില്‍ കലാശിച്ചത്. കല്‍ക്കട്ട ഹൈക്കോടതിയുടെ അനുമതിയോടെ ബാലിഗഞ്ച് ഫാരിയില്‍ നിന്ന് ഹാസ്രയിലേക്ക് നീങ്ങിയ മാർച്ചിലേക്ക് ബി.ജെ.പി പ്രവർത്തകർ മനഃപൂർവ്വം അതിക്രമിച്ചു കയറി തടസ്സപ്പെടുത്തുകയായിരുന്നു എന്ന് തൃണമൂല്‍ കോണ്‍ഗ്രസ് ആരോപിച്ചു. റാലിക്ക് നേരെ മുട്ടയേറുണ്ടാകുകയും നേതാക്കളെ കള്ളനെന്ന് വിളിച്ച്‌ അധിക്ഷേപിക്കുകയും ചെയ്തതോടെ ഇരുവിഭാഗവും തമ്മില്‍ തെരുവില്‍ ഏറ്റുമുട്ടി.

സംഘർഷത്തില്‍ വിദ്യാർത്ഥി-യുവജന നേതാക്കള്‍ ഉള്‍പ്പെടെ 41 ഓളം തൃണമൂല്‍ പ്രവർത്തകർക്ക് പരിക്കേറ്റു. ഇവരെ എസ്.എസ്.കെ.എം ആശുപത്രിയില്‍ പ്രവേശിപ്പിച്ചിരിക്കുകയാണ്. കൊല്‍ക്കത്ത പൊലീസും കേന്ദ്ര സേനയും സ്ഥലത്തുണ്ടായിട്ടും സ്ഥിതിഗതികള്‍ നിയന്ത്രിക്കുന്നതില്‍ പരാജയപ്പെട്ടുവെന്ന് മമത കുറ്റപ്പെടുത്തി. ബൈക്കുകളിലെത്തിയ നാനൂറോളം വരുന്ന ബി.ജെ.പി ഗുണ്ടകളാണ് റാലി ആക്രമിച്ചതെന്നും ബംഗാളില്‍ ക്രമസമാധാന നില പൂർണ്ണമായി തകർന്നതായും മമത ആരോപിച്ചു.

Story Summary

Former West Bengal Chief Minister Mamata Banerjee reportedly lost her temper and slapped a party worker amid chaotic scenes outside her Kalighat residence following a TMC youth rally in Kolkata. The protest march against a minor’s assault turned violent after alleged clashes between TMC and BJP workers, leaving 41 injured and prompting Mamata to blame the police for failing to maintain law and order.