ജൂണ്‍ 9-ന് ഉച്ചയ്ക്ക് വീട്ടിലെത്തിയ ഷെക്കപ്പയും ഭാര്യ വിജയലക്ഷ്മിയും തമ്മില്‍ വാക്കുതർക്കം ഉണ്ടാവുകയും, കുട്ടി കരഞ്ഞതിനെത്തുടർന്ന് വിജയലക്ഷ്മി കുട്ടിയെ ചവിട്ടുകയും ചെയ്തു. ഇതിനുശേഷം ദേഷ്യം വന്ന ഷെക്കപ്പ കുഞ്ഞിനെ വാരിയെടുത്ത് നിലത്തേക്ക് ശക്തമായി എറിയുകയായിരുന്നു. ഇതേത്തുടർന്നുണ്ടായ ആന്തരിക പരിക്കുകളാണ് കുഞ്ഞിന്റെ മരണത്തിന് കാരണമായതെന്ന് പോസ്റ്റ്‌മോർട്ടം റിപ്പോർട്ടില്‍ വ്യക്തമായി. (Avalahalli Infant Murder Case)

തുടക്കത്തില്‍ കട്ടിലില്‍ നിന്ന് വീണാണ് കുഞ്ഞ് മരിച്ചതെന്നായിരുന്നു മാതാപിതാക്കളുടെ വാദം. എന്നാല്‍, രണ്ട് അടി മാത്രം ഉയരമുള്ള കട്ടിലില്‍ നിന്ന് വീണാല്‍ ഇത്രയധികം ആന്തരിക പരിക്കുകള്‍ ഉണ്ടാവില്ലെന്ന് പോലീസ് കണ്ടെത്തി. മുഖത്തും നെഞ്ചിലും കാലുകളിലും സ്വകാര്യ ഭാഗങ്ങളിലും ഉള്‍പ്പെടെ ശരീരമാസകലം ഗുരുതരമായ പരിക്കുകള്‍ കണ്ടെത്തിയതോടെയാണ് കൊലപാതകമെന്ന് തെളിഞ്ഞത്. ദമ്പതികള്‍ക്കിടയില്‍ നിരന്തരം വഴക്കുകള്‍ ഉണ്ടാവാറുണ്ടായിരുന്നെന്നും, വിജയലക്ഷ്മിക്ക് അയല്‍വാസിയുമായി ബന്ധമുണ്ടെന്നും, കുഞ്ഞിനോട് ഇവർക്ക് സ്നേഹമില്ലായിരുന്നുവെന്നും സാക്ഷിമൊഴികളില്‍ വ്യക്തമായി. ഇവരുടെ മൊഴികളുടെ അടിസ്ഥാനത്തില്‍ ഭാരതീയ ന്യായ സംഹിത പ്രകാരം കൊലക്കുറ്റത്തിന് കേസ് രജിസ്റ്റർ ചെയ്ത് അന്വേഷണം തുടരുകയാണ്.

Summary: Parents Shekappa and Vijayalakshmi have been charged with murder after their infant daughter died from severe internal injuries caused by physical abuse. Initially claiming the baby fell from a bed, investigators concluded that the injuries-including trauma to the chest, face, and private parts-were inconsistent with a short fall. Police reports indicate the child was thrown to the ground by her father during a domestic dispute, while witness statements revealed that the mother also mistreated the infant and that the couple frequently argued.