പുതിയതായി പണിയുന്ന മദർ ആൻഡ് ചൈല്‍ഡ് (അമ്മയും കുഞ്ഞും) വിഭാഗം കെട്ടിടത്തിന്റെ മൂന്നാം നിലയിലാണ് ചൊവ്വാഴ്ച വൈകിട്ടോടെ തീയും പുകയും ഉയർന്നത്. രോഗികളെ പ്രവേശിപ്പിച്ചിട്ടില്ലാത്ത കെട്ടിടമായതിനാല്‍ ആളപായമോ പരിക്കുകളോ ഇല്ലാതെ വൻ ദുരന്തം ഒഴിവായി.

എ.സി ഇലക്‌ട്രിക്കല്‍ പണികള്‍ പുരോഗമിക്കുന്നതിനിടെ ഇൻസുലേഷനിലുണ്ടായ സാങ്കേതിക തകരാറോ എ.സിയില്‍ നിന്നുള്ള ഷോർട്ട് സർക്യൂട്ടോ ആണ് അപകടത്തിന് കാരണമെന്നാണ് പ്രാഥമിക നിഗമനം. എ.സിയില്‍ നിന്ന് ആളിപ്പടർന്ന തീ സമീപത്തുണ്ടായിരുന്ന വയറിങ് സാമഗ്രികളിലേക്ക് പടരുകയായിരുന്നു.

വിവരമറിഞ്ഞ ഉടൻ തൃശൂരില്‍ നിന്നും വടക്കാഞ്ചേരിയില്‍ നിന്നും ഫയർഫോഴ്സിന്റെ രണ്ട് യൂണിറ്റുകള്‍ സ്ഥലത്തെത്തി അടിയന്തരമായി തീയണയ്ക്കുകയും സ്ഥിതിഗതികള്‍ നിയന്ത്രണവിധേയമാക്കുകയും ചെയ്തു. സംഭവത്തില്‍ നിലവില്‍ ആശങ്കപ്പെടേണ്ട സാഹചര്യമില്ലെന്ന് മെഡിക്കല്‍ കോളേജ് അധികൃതരും പോലീസും അറിയിച്ചു.

Story Summary: A fire broke out on the third floor of the under-construction Mother and Child block at Thrissur Medical College. Firefighters promptly brought the blaze-suspected to have been caused by an AC insulation or wiring fault-under control, averting a major mishap as the building was not yet occupied by patients.