ഭയന്നുപോയ വിദ്യാർത്ഥിയുടെ പരാതിയില്‍ മിരാ ഭയന്ദർ-വസായ് വിരാർ (MBVV) പോലീസ് പരിധിയിലുള്ള സ്റ്റേഷനിലാണ് കേസ് രജിസ്റ്റർ ചെയ്തത്.

പോലീസ് നല്‍കുന്ന വിവരമനുസരിച്ച്‌, പരാതിക്കാരനായ കോളേജ് വിദ്യാർത്ഥിയും പ്രതിയും തമ്മില്‍ നേരത്തെ പരിചയമുണ്ടായിരുന്നു. ഈ സൗഹൃദം മുതലെടുത്താണ് പ്രതി തട്ടിപ്പ് ആസൂത്രണം ചെയ്തത്. നഗരത്തില്‍ നടന്ന ഒരു കൊലപാതകശ്രമവുമായി ബന്ധപ്പെട്ട് വിദ്യാർത്ഥിയുടെ പേര് പോലീസിന് കൈമാറുമെന്നും കേസില്‍ പ്രതിയാക്കി കരിയർ നശിപ്പിക്കുമെന്നുമായിരുന്നു ഭീഷണി. കേസില്‍ നിന്ന് ഒഴിവാക്കാൻ സഹായിക്കാമെന്ന് വിശ്വസിപ്പിച്ച്‌ പ്രതി വലിയ തുക ആവശ്യപ്പെടുകയായിരുന്നു.

ഭീഷണി ഭയന്ന വിദ്യാർത്ഥി വീട്ടുകാർ അറിയാതെ വീട്ടില്‍ സൂക്ഷിച്ചിരുന്ന സ്വർണ്ണാഭരണങ്ങളും കൈവശമുണ്ടായിരുന്ന പണവും പലതവണയായി പ്രതിക്ക് കൈമാറി. എന്നാല്‍ പ്രതി വീണ്ടും പണം ആവശ്യപ്പെട്ട് സമ്മർദ്ദം തുടർന്നതോടെ കുട്ടി മാനസികമായി തകരുകയും വിവരം മാതാപിതാക്കളെ അറിയിക്കുകയുമായിരുന്നു. തുടർന്ന് കുടുംബം പോലീസിനെ സമീപിച്ചു. തട്ടിപ്പിലൂടെ കൈക്കലാക്കിയ സ്വർണ്ണവും പണവും കണ്ടെത്താനായി പ്രതിയെ കൂടുതല്‍ ചോദ്യം ചെയ്തുവരികയാണെന്നും ഇയാള്‍ക്കെതിരെ കവർച്ച, ഭീഷണിപ്പെടുത്തല്‍ തുടങ്ങിയ വകുപ്പുകള്‍ പ്രകാരം കേസെടുത്തതായും പോലീസ് അറിയിച്ചു.

Short Story Summary: A youth was arrested in Mumbai’s Mira Road for allegedly extorting gold ornaments and cash from a college student by threatening to falsely implicate him in an attempt-to-murder case. The panicked student handed over family gold and cash before finally confiding in his parents. Following a complaint, the MBVV police registered a case of extortion and arrested the accused.